掃呢頁CODE去手機

2015年6月26日 星期五

水着女 大久保麻梨子 賽龍好腳頭 [忽然1周 - 1039] MW,



擁有 34D cup嘅大久保麻梨子, 2011年轉戰台灣後,終於成功搣甩水着女星之名,而成為正式演員。

出外埠

水着女 大久保麻梨子 賽龍好腳頭

日前,喺「 2015台北國際龍舟錦標賽」入面,日本水着女星大久保麻梨子竟然成為「台北市關渡文化協進會」男子組嘅擊鼓手,仲帶領條龍勇奪冠軍,真係唔講得笑。

話說大久保麻梨子 18歲以水着寫真出道, 09年更獲選為「美胸女王」,之後因抗拒事務所脅迫拍 AV,而被雪近一年。直到 11年去咗台灣,因為拍咗一個胃藥廣告打響知名度,之後工作運唔錯, 13年仲憑迷你劇集《愛情替聲》奪得「第 48屆金鐘獎最佳女配角」。今年 32歲嘅大久保麻梨子喺台灣總算撈到個名堂,苦盡甘來呀﹗

龍舟隊有美女助陣,士氣大振奪冠,贏得約港幣 10萬蚊。難怪勁讚大久保麻梨子係「勝利女神」

大久保麻梨子喺台灣漸有名氣,日前為蛋糕店當一日店長,以半鹹淡國語叫顧客食「盪糕」。

喺 2013年嘅金鐘獎,大久保麻梨子憑迷你劇《愛情替聲》奪最佳女配角,領獎時,激動到又喊又笑。

鍾意就快D Share啦!