掃呢頁CODE去手機

2015年6月26日 星期五

now縮皮 cut觀星台 梁思浩梁榮忠冇得留低 [忽然1周 - 1039] 梁思浩,思浩,梁榮忠,MW,now



自詡 now留人

早前梁思浩透露自己身體有小毛病,因此打算辭去電台和電視台的工作。但他坦言 now主動留他,因此才決定留低,結果變成與節目「同生共死」。

娛樂喧

now縮皮 cut觀星台 梁思浩梁榮忠冇得留低

王維基旗下的「港視」有傳九月玩完,不過一雞死一雞鳴,今年四月 now台「香港電視娛樂」獲發 12年免費牌照, now台即大鑼大鼓宣布投擲過億開拍兩套劇省靚招牌。

now免費台蓄勢待發,但本刊收到消息,原本 now收費的 102觀星台卻將在九月尾摺埋,意味着該台由梁思浩主持的最高收視節目《娛樂審死官》和梁榮忠主持的《觀星總部》,即將消失。

離「大限」只有三個月,但據知兩位主持人到今時今日依然未知自己「大限」將至,無聲無息被 cut,夠晒慘慘豬!

其實 now收費台自家製的節目一向不多,要數現時當紅節目,非 102娛樂觀星台由梁思浩主持的《娛樂審死官》和梁榮忠主持的《觀星總部——雙梁計》莫屬。由於兩個節目同樣以最新最 update的娛樂新聞做主打內容,主持問得抵死到肉,嘉賓亦大多有話直說,加上其他台正正缺少此類型節目,因此兩個節目收視同樣高企,梁思浩和梁榮忠便輕易成為觀星台的台柱。

可是, now台今年四月獲發免費電視牌照後,內部即出現暗湧。知情人透露:「自從何麗全走咗之後,新上場嘅高層講到明要將所有資源投放落免費台嗰邊,所以收費台就猛咁 cut人。本身同何麗全 friend嘅丘凱敏同王賢誌,早排已經冇得續約,估唔到會連成個娛樂觀星台都 cut埋。」

由梁思浩主持的《娛樂審死官》是觀星台最高收視節目,如今只剩 3個月「命仔」,相信他一定 hurt爆。

老友齊被炒

當日梁思浩為壯大自己在觀星台的聲勢,特意請埋老友陳彥行到 now做節目。多個自己人,如今卻多了隻無主孤魂。

大限日子: 25/9

據了解,現時觀星台的多位節目監製已收到通知,指完成埋手頭上的錄影節目,便毋須再錄影,大限日子是 9月 25日。但 now擔心影響現時節目主持工作情緒,因此監製未有將消息知會一眾主持。《娛樂審死官》監製 Jimmy電話中直認不諱:「我哋係收到通知9月會唔做觀星台,但仲有好多細節要同公司傾。(思浩佢哋知唔知會被 cut?)主持人未正式 inform佢哋,我哋同公司都仲傾緊,因為繼唔繼續做《娛樂審死官》,好視乎究竟仲有冇呢個台。」

本身一早不獲 now台續約的王賢誌,周一( 22日)在電話中亦表示剛剛收到風,佢話:「尋日撞到 now同事,佢有同我講過呢件事。不過我已經唔係 now嘅人,何麗全又走埋,留唔留喺度都冇乜所謂。」本刊亦致電梁思浩和梁榮忠,但至截稿前仍未聯絡上。

獨家訪問玲姐

藍潔瑛自退出幕前,定居赤柱公屋領綜援維生後,已鮮有接受傳媒訪問。月前梁榮忠主持的《雙梁計》卻搵到「玲姐」出山接受專訪,贏晒!

人強馬壯

四年前, now 102娛樂觀星台正式開台,開台日係威係勢,更請了郭富城做嘉賓。可是如今一個一個被消失,三個月後更被連根拔起。

逼梅小青狂拍劇

據知 now自取得免費台牌照後,一眾躊躇滿志的高層,便催谷金牌監製梅小青和劉家豪兩公婆拍劇。知情人續說:「當初小青姐同家豪哥同 now簽約嗰陣,講明一年只會拍一至兩套賣埠劇。但近排有高層同佢哋講,叫佢哋一年內最少拍六套劇,用嚟撼無綫。小青姐兩公婆都嗌晒救命,事關有資源都未必有咁多明星拍」

這邊廂,梁思浩和梁榮忠一眾收費台主持冇得留低。相反,免費台卻有資源但冇人手。

愛將黯然走

昔日與何麗全 friend底的丘凱敏及王賢誌,在觀星台都有自己節目,且均獲重用。但自何麗全退休後,二人先後黯然離去。王賢誌周一( 22日)在電話承認:「何生都唔喺度,我哋做唔做都冇所謂」

逾億開劇

舊嘅唔去,新嘅唔嚟,梅小青和劉家豪肩負開拍劇集省靚「免費牌照」的重任,有傳重金挖角已離巢的無綫愛將,如關菊英和李司棋等人。 now更宣布會投擲逾億開兩劇,擺明同「慳得就慳」的 TVB對着幹。

二人過檔 now的頭炮作品《衞子夫》,去年在內地播出時全國收視冠軍,網絡點擊率更逾 23.8億,被稱為宮廷神劇,更令劉家豪夫婦企穩陣腳。

溏心班底再現

劉家豪夫婦更會在下年開拍以《溏心風暴》為藍本的《黃金風暴》。據知一眾《溏》骨幹成員如大、細契已初步答允演出。

法拉拍開台劇

now今年 8月將開拍以唐太宗李世民與長孫皇后的故事《舉世無雙》,並視之為開台劇。有傳男女主角屬意馬浚偉和陳法拉。

鍾意就快D Share啦!