2015年6月6日星期六

47歲張立基　奉子成婚

其他影片：>>

47歲奉子成婚　張立基：要畀名份女友

曾與葉玉卿拍拖的張立基情路坎坷，曾被女友呃盡積蓄而自殺，患上抑鬱，加上事業停滯而陷入低谷。以十多年平復感情重創，人生路走到近半百的他終於有曙光，昨日他在微博宣佈與拍拖一年多的女友婚訊，二人奉子成婚，原來對方已有喜兩個月，可謂喜事連連。

於80年代曾與葉玉卿拍過拖的47歲歌手張立基，近年回流香港發展，更有一個拍拖一年多的圈外女友，不時在微博晒甜蜜。昨日凌晨，他在微博貼了一張手牽手圖片，公告與女友婚訊，他興奮地表示：「今年喜事連連，宣佈個好消息同大家分享！唔家有喜。」最尾還有一個BB的圖示，暗示未婚妻有喜，其友人紛紛送上祝福。

■張立基經常在微博放閃光彈，貼上與女友的拍拖相。微博圖片

■張立基昨日凌晨在微博宣佈奉子成婚的喜事。

■與圈外女友拍拖一年多，張立基的性格變得正能量。微博圖片

生完再搞婚宴

本報記者昨致電恭喜張立基雙喜臨門，問到心情時，他表示興奮：「中國人傳統係三個月先講，醫生都話BB未穩定，我應該等BB穩定啲先講出嚟。」張立基笑言他的女友詐型：「佢話我唔應該咁早講出去，所以我𠵱家唔講得咁多啦，等穩定啲先再講啦。」問是否已有婚期？他笑言：「未有咁快，結婚暫時未諗住，搞咗啲突發嘢先。」是否要訂醫院？他表示：「唔使咁早！我又唔係有錢人，人係粗生粗養，我過番啲正常人過嘅生活就得啦。」張立基表示婚禮不會鋪張：「因為有咗兩個月，所以唔會咁快搞婚禮，生咗BB先，一步步嚟，梗係開心啦，自己年紀都咁大，一直冇諗過要結婚，𠵱家女友有咗，當然要畀名份女友。」

張立基昨又到老人院，將喜訊告知患有輕微中風的年邁母親：「同佢講女友有咗BB，佢都唔係好知我講乜，好似夢遊咁。」張立基圈外未婚妻年約30歲多，他未有多提及對方背景，但他平時都有大方在微博貼上與女友的拍拖生活，亦帶女友出席首映，與友人踩單身及飯敍，已是朋友中公開的一對，其未婚妻對他小鳥依人，二人合照中，大都含情倚偎在男友膊頭。

多次自殺不遂

張立基舞蹈員出身，於1986年參加亞視《未來偶像爭霸戰》奪冠，可惜事業後勁不繼，感情生活更令他陷入低谷。1985年曾與葉玉卿拍拖兩年，之後被另一名拍拖兩年的女友呃盡幾百萬積蓄，並抑鬱自殺，曾在居所昏迷三日三夜，手上更留下割脈的情傷印記。

年前張立基接受本報專訪時，透露用了十多年才能撫平傷痛：「有時覺得呢個世界好灰暗，我自殺過幾次但死唔去，試過割脈、跳樓、食五十幾粒安眠藥，不過跳樓跳唔到，屋企人阻住。」張立基自識了現在的未婚妻，才變得積極有希望。

採訪：皓騫、張曦彤