男女藝人好易日久生情。陳豪同廖碧兒05年就係拍《心花放》撻着，拍拖五年，被視為金童玉女。不過2010年陳豪拍攝《心戰》時，又同陳茵媺撻着。同時廖碧兒又約會富二代林忠豪。
03年，方力申先後同阿嬌及Stephy撻着。翌年，Stephy同陳冠希因為拍電影《九個女仔一隻鬼》傳緋聞，兩人更同遊台灣，不過Edison同阿嬌仍然係男女朋友。直至05年，Stephy至私有化方力申，終結呢段四角關係。
蔡思貝一直同舞蹈總監麥秋成拍拖。不過佢上年拍攝《衝線》時，就轉冧「大孖」周志文，搞到大孖俾有米女友Co Co狠飛，仲被逐出貝沙灣愛巢呀，陰功。
