千語 BB身嬌肉貴 [壹週刊 - 1319] 千語,吳千語,M1,

同你吟一吟

千語 BB身嬌肉貴

同林峯拍拖三年，得男友「七愛」嘅吳千語，自此食好住好著好用好乜都好，身嬌肉貴到不得了！

上星期三（十日），《壹》仔喺中環威靈頓街見到吳千語，同朋友一齊上咗架八百幾萬嘅 Maybach，之後去咗皇后大道中，中環中心附近嘅 L Place商業大廈。老實講，千語 BB上車到落車，要兜路同塞車，嘥咗唔少時間，明明落個小斜過條馬路再行幾步就到，都寧願坐車，矜貴到呢！

呢個世界，充滿希望！ 21歲千語 BB可以由屋邨美少女變成而家咁巴閉，話唔埋八珍都有機會做闊太。 2017唔一定得，但總有一日！

由威靈頓街行落去皇后大道中嘅 L Place，其實真係話咁快，但千語 BB都要坐四個轆，兜圈塞車都冇所謂。

上咗樓嘅千語 BB同司機夾好時間等，司機提早返頭接「老細」期間，前後嘅車都俾差佬派咗牛肉乾，好在千語 BB及時出現。

鍾意就快D Share啦！

下一篇 》