楊千嬅自年頭開完個唱，一直忙於工作及湊仔做「廿四孝媽咪」送仔仔Torres返學，不過，千嬅上月忽然喺instagram自爆發高燒不退，需入院作檢查，老公丁子高更指，老婆千嬅患支氣管炎，據知千嬅今次病倒，為咗唔想傳染畀個就嚟3歲大嘅Torres，千嬅留院差唔多一個禮拜先出院，返屋企好好休息。
早前有周刊指，千嬅將以夫妻檔去內地拍綜藝節目《極速前進》第二季，前往全球多個國家接受挑戰，雖然未知千嬅會唔會如期出發，不過，今日千嬅經理人林珊珊就代佢發聲明，指千嬅目前健康情況及康復進度，經過連日同千嬅商討，更與主診醫生徹底瞭解狀況，因呼吸系統嚴重感染，而且有早期肺炎徵狀，經理人公司謹代表楊千嬅宣佈將今次「Let's Begin 2015世界巡迴演唱會」國內首站廣州，將改期為8月29日在廣州體育館舉行。
另外，林珊珊又指，醫生只係作特別安排，批准千嬅上星期出院回家休息，現正康復中，對於重新調正工作令各單位受影響，林珊珊亦代為致歉，望大家喺今次體驗中，學懂愛惜自己嘅身體。
此外，講到千嬅康復中的工作安排，林珊珊謂：「之前跟各單位簽定合約無法改變嘅工作，千嬅會有限度復工，包括暑假動畫配音工作，深圳衛視《極速前進》和演唱會工作。」
|
鍾意就快D Share啦！
|
|
|
