新界王劉皇發今次真係退休，佢之前講過好多次話退，但最終都係退唔成，不過今次真係堅過石堅，因現年七十九歲嘅發叔已去信全體鄉議局，講明唔會再競逐連任，噚日鄉議局已選出新主席，由發叔囝囝劉業強成功「世襲」。
雖然好多人話發叔咁樣退，只係方便囝囝上位，似有世襲之嫌，但據聞班鄉議局鄉紳已表態支持「子承父業」，即太子繼位應該無問題。
事有湊巧，傳出發叔退位前幾日，我地竟然響元朗一間中小型足浴按摩店，撞到久未露面嘅前元朗教父戴權，今年八十八嘅戴權，睇黎精神唔錯，識得自己一個去按腳，戴權自退出政壇後，近年多響加拿大嘆世界，好少留響香港，今次咁突然蒲頭，當然要捉住佢老人家問幾句，可惜老江湖果然功力十足，佢一味帶我地遊花園，話返香港只係探親友，絕對唔關元朗將會變天嘅大事……
不過從屯門及元朗江湖朋友口中，收到另一個震撼消息，指01年，被仇家在東莞開槍伏擊，身中四槍而不死嘅屯門猛人豬頭細，再現江湖，佢今次出黎就係表明話撐「太子繼位」，元朗江湖忽然熱鬧起黎，可能因新人事佈局未定，有心人想趁機早霸定位，之後就可以齊齊拍住搵食，江湖人依家視豬頭細為劉業強嘅近衛軍教頭，以抗衡「痔瘡」及14K響區內嘅聯盟，總之，屯門元朗將來好戲連場啦。
雖然好多人話發叔咁樣退，只係方便囝囝上位，似有世襲之嫌，但據聞班鄉議局鄉紳已表態支持「子承父業」，即太子繼位應該無問題。
事有湊巧，傳出發叔退位前幾日，我地竟然響元朗一間中小型足浴按摩店，撞到久未露面嘅前元朗教父戴權，今年八十八嘅戴權，睇黎精神唔錯，識得自己一個去按腳，戴權自退出政壇後，近年多響加拿大嘆世界，好少留響香港，今次咁突然蒲頭，當然要捉住佢老人家問幾句，可惜老江湖果然功力十足，佢一味帶我地遊花園，話返香港只係探親友，絕對唔關元朗將會變天嘅大事……
不過從屯門及元朗江湖朋友口中，收到另一個震撼消息，指01年，被仇家在東莞開槍伏擊，身中四槍而不死嘅屯門猛人豬頭細，再現江湖，佢今次出黎就係表明話撐「太子繼位」，元朗江湖忽然熱鬧起黎，可能因新人事佈局未定，有心人想趁機早霸定位，之後就可以齊齊拍住搵食，江湖人依家視豬頭細為劉業強嘅近衛軍教頭，以抗衡「痔瘡」及14K響區內嘅聯盟，總之，屯門元朗將來好戲連場啦。
|
鍾意就快D Share啦！
|
|
|
