早前有傳巨聲「大孖」周志文花心食女，喪溝吳若希、蔡思貝、劉珮玥、陳瀅等新晉姐仔，搞到「正印」吳若希嬲爆向無綫高層「篤背脊」，周志文更被大台炒魷添。據聞本身周志文5月10號就要執包袱走人，不過佢喊住咁死𦧲樂易玲，樂大媽衰心軟就俾多次機會佢啦。
據報道指，周志文早前特登返大台求樂大媽俾機會，一入房就喊晒口，又發誓唔會再行差踏錯，𦧲足成粒鐘。雖然最後樂大媽都心軟應承俾多次機會佢。不過星夢話事人何哲圖同戲劇部珍姐曾勵珍就講明唔會俾機會周志文啦。睇嚟大孖今次想翻身都有啲難啦。
據聞，知自己唔多撈得掂啦，周志文都搵專門接收大台棄將嘅經理人Gary幫手，幫自己鋪定後路啦。
- 何哲圖同珍姐都話唔會俾機會周志文啦
