熱爆娛樂: 月租 20萬　張敬軒搬上山頂 [壹週刊

2015年7月2日星期四

月租 20萬　張敬軒搬上山頂 [壹週刊 - 1321] 張敬軒,M1,

探熱針

月租 20萬　張敬軒搬上山頂

張敬軒一三年以每月$18萬租住位於摩星嶺道的文物別墅，並花了二百多萬添置懷舊傢俬，為四千呎古屋打造法國風情。但住得兩年，又搬！已經第四度換屋的軒仔，終於搬到上山頂，月租$20萬的白加道四十三號相連單位，無敵維港景，張敬軒，住得高尚！

十年四遷

十年內搬屋四次的張敬軒最近又秘密搬屋！

週日（六月二十八日），在武漢開完演唱會回來的軒仔，由司機接返山頂「新居」白加道四十三號 Haking Mansions。

「以前住摩星嶺附近都好靜，軒仔唔係刻意要住山頂，只係慣咗靜，咁啱個盤又夠大啱心水，佢搬咗都唔夠一個月。」張敬軒身邊人說。

花了兩年時間，才成功租到的摩星嶺道舊居要十八萬租外，還要額外繳交五位數文物保育費，軒仔更花超過二百萬，將家居打造成十五世紀法國古屋；大費周章，但只住了兩年，又厭！

「軒仔真係有鋪搬屋癮，租約兩年期滿佢選擇唔再續約，話住到悶要轉新環境攞靈感。」

上週日（ 28日）從武漢飛回港的軒仔，乘七人車返白加道新居 Haking Mansions。

上週六（ 27日）在武漢開演唱會的軒仔，在後台與舞蹈員合照留念。

白加道 43號是黃克競家族持有物業，軒仔租的相連單位有三千二百多呎，無論房間還是客廳也非常寬敞。（網上圖片）

吻別舊居

在文物屋 Felix住了兩年的軒仔，於搬屋前吻別舊居，並在個人 ig寫出離別之情。

月租 20萬的新居，擁有無敵靚景，眺望整個維港景色，軒仔果然有眼光。

初搬入文物屋時，軒仔請黃秋生、梁洛施及密友關智斌等人到家中開派對，非常熱鬧。

自知會搬離文物屋，所以軒仔不介意將家居借出，給好友容祖兒拍 MV之用。

龜速上網

有鋪搬屋癮外，另一主要原因是忍無可忍。

「舊屋上網速度得 8MB，慢到死，真係好唔方便。仲有你想喺間屋釘多一口釘，都要同大學申請，有時夜晚軒仔喺屋企寫歌，但因為附近啲鄰居九點幾十點就休息，所以唔敢太嘈，靈感到都冇用！軒仔連電視機都冇，就係怕太夜睇電視騷擾到人，兩年來都係咁，都係時候搬。」

08年　西貢大環村村屋

當年以六萬元租住西貢村屋，軒仔花了八十多萬裝修家居，並以白色為主設計，個 view一個字——正！

無敵維港景

住慣四千呎，軒仔要搵到心水地方搬，絕對唔易。

「山頂間屋係相連單位，夾埋三千二百幾呎，但都細過舊屋，軒仔又多雜物，要將部分大件傢俬擺入倉；不過新屋個 view真係勁靚，無敵維港景，一眼睇晒！軒仔今次唔特別玩法式風情喇，可能會時代感啲，佢鍾意一路住一路慢慢添置屋企嘢，話好 feel啲喎！」張敬軒身邊人說。