【閉起雙眼....】心穎BB閉眼試美食 好cute cute呀﹗
2015-07-28 15:00:00
（攝影：沈健程）
黃心穎今日喺上環出席「箱城」藝術遊記活動，心穎BB喺活動上玩遊戲，要閉起雙眼品嚐港澳兩地嘅特色美食，由女司儀餵佢，點知BB就口快快咁話：「好少可女仔餵嘢食……」知道講錯嘢嘅佢即刻兜返：「actually男仔都少。」
原來心穎BB啱啱放完假返港，之前佢去咗溫哥華做慈善騷，自己就留咗5日，話晒佢喺當地成長，當然要搵返啲朋友家人聚舊，但就覺得自己老咗，佢話：「嗰邊日頭好長，日日見朋友同auntie，其實都幾攰，但係好開心。4年冇返去，覺得佢哋冇變，自己就老咗。」
佢仲回想起同小學同學偷偷返母校嘅情境：「返到學校咁啱有道門冇鎖，我哋偷偷哋入去，去返以前個課室影相，仲留咗張寫條畀以前嘅老師，影影吓相突然聽到聲，點知係校工，趕我哋走，嗰一刻真係好興奮，成件事好好玩。」
心穎BB透露大後日會上節目《超強選擇1分鐘》，提到節目好多是非投訴，佢就笑住話：「我唔知啲投訴，有睇（張）秀文。」會唔會好似張秀文咁性感出擊？佢話：「難啲，過到我經理人嗰關先，我覺得秀文好健康，OK嘅。」
心穎BB呢個瞇眼食嘢表情....噢...
心穎BB早排返咗溫哥華探朋友家人，佢話覺得自己老咗。
|
鍾意就快D Share啦！
|
|
|
