葉翠翠后冠陪嫁代代相傳
2005年港姐冠軍葉翠翠前晚終於出嫁了！她更「史無前例」戴上港姐后冠出嫁，又稱日後將后冠當作家傳之寶世代相傳。喜宴上，翠翠提到去年母親病逝時，猶幸獲老公陪伴走過低谷，雖然新娘子提及此事時強忍淚水，但台下一眾「眼淺」姊妹紛紛爆喊，何傲芝人前落淚要翟威廉在旁遞紙巾抹眼淚！
前港姐冠軍葉翠翠前晚偕圈外建築師男友周曉東（Raymond）假四季酒店舉行婚宴，翠翠全晚表現輕鬆淡定，惟她在台上發言時，提到去年母親病逝，幸得Raymond一直陪伴在側：「老公有我爸爸嘅影子，佢會一輩子喺我身邊，但遺憾媽咪未能見證自己出嫁。」
人生另一階段
翠翠未有落淚，但一對新人的感言，卻令一班眼淺的姊妹和賓客，感動得淚如泉湧，擔任司儀的何傲芝（Gigi）更當場爆喊，拍檔翟威廉見狀急急遞上紙巾，給她抹乾眼淚。
前晚翠翠還大晒行頭，除了前臂戴滿龍鳳鐲，穿上低胸婚紗的她更頭戴后冠現身，新婚燕爾的翠翠昨日在電話中說：「十年前贏冠軍，首次戴后冠上台，今次結婚再攞出嚟戴，除咗因為係當選十年，亦係自己踏入人生另一階段，都想戴番咁隆重、咁有代表性嘅后冠，可能喺公開場合佩戴分分鐘就得呢一次，冇理由將來嫁女都戴啦，係都畀個女戴」她打算將后冠當作家傳之寶，留給子女代代相傳。
何傲芝好感動
在婚宴上，新人除了大跳牛仔舞外又合唱情歌《勇氣》，翠翠興奮地說：「好巧合，我本來諗住將首歌《勇氣》送畀老公，點知佢原來都諗住唱呢首歌，最後我哋決定一齊合唱。」提到Raymond接新娘時甩甩咳咳彈結他，晚上他再次於台上自彈自唱，翠翠笑謂：「比起下午真係流暢好多。」
另外，翟威廉昨日坦承Gigi喊得最犀利，他笑說：「都啱嘅，因為佢同翠翠好friend，當日佢全日都陪住翠翠，台下好多女仔好似陳庭欣、李璧琦等等都喊得好犀利，因為翠翠搵到自己鍾意嘅人，我哋都開心，佢老公都感覺好老實，對我哋非常好。」被指爆喊的Gigi則反駁說：「我冇爆喊呀，感動到眼濕濕就有，翟威廉好誇張囉，見到我少少眼濕濕，就話我爆喊，又話使唔使幫我，佢搞笑啫。」她又指Raymond一直無條件照顧翠翠，令翠翠認定他能付託終身：「我都好feel到翠翠嘅感受，因為佢一直都有同我講自己嘅感情事。」
文：影視組
|
鍾意就快D Share啦！
|
|
|