掃呢頁CODE去手機

2015年7月1日 星期三

搵到食 阿佘教路買樓保值 周家怡唔返大台月搵過百萬 [FACE - 423] 周家怡,佘詩曼,阿佘,MF,



周家怡好有孝心,密接廣告搵過百萬諗住換架四門車,原來都係為咗方便父母上落。

真面目

搵到食 阿佘教路買樓保值 周家怡唔返大台月搵過百萬

憑《導火新聞線》方凝一角成功彈起嘅周家怡,除咗演技備受網民力讚,仲被封為「方凝 BB」,贏得民選「高登艾美獎」嘅最佳女主角,升呢成功!

離開大台,周家怡人氣急升,又拍廣告又拍電影,收入豬籠入水,月入過百萬!

有足夠彈藥,周家怡立即向好姊妹佘詩曼請教投資心得,準備隨時入手。早前,《 FACE》撞見周家怡孖住好友兼阿佘契細佬麥子樂去車行揀車,之後仲行埋地產鋪,手指指似乎已有心水喎!

入行 17年,周家怡以往喺大台做極唔起,直至轉投王維基旗下 HKTV後,首次擔正劇集《導火新聞線》女主角,演技即獲得網民激讚,人氣同工作量齊升,包括已出街的 AIA廣告、未出街的纖體同護膚廣告,加上出席各大活動,上個月話咁易收入過百萬。

周家怡同佘詩曼係公認好姊妹,唔使開工就會約埋食飯聚舊,講到投資方面,問阿佘就最合適不過。網上圖片

睇完車,周家怡同麥子樂再行去地產鋪,手指指似乎已經睇中心水樓盤。

睇中 60萬車

據知計仔多多的周家怡,仲會向好姊妹佘詩曼請教投資心得,阿佘教路買磚頭最實際。

上星期,周家怡孖住好友麥子樂到 Land Rover陳列室睇車,一入門即被一架 60萬新款車吸引,仲跳埋上車試,最後只見到佢同經紀傾咗好耐。行完車行,兩人之後再到灣仔一間地產鋪,家怡手指指,似乎已有心水樓盤。

周家怡轉投 HKTV後,首次擔正劇集《導火新聞線》,劇中飾演採訪主任方凝入型入格,網民仲封佢為「方凝 BB」。電視畫面

一向投資有道嘅阿佘,早前被爆用 3500萬購入西貢南山相連獨立屋,新屋正處於裝修當中,入行至今已手揸 7個物業,總值衝破 1億大關添!

儲首期入市

本刊事後致電周家怡,她說:「《導火》出街後多咗人認識,收入都有增長,有 7位數㗎,嗰日同麥子樂做完嘢見到架車就入去睇吓,想買架四門車,因為本身架車係單門,嗲哋媽咪上落都唔方便。(阿佘教路買樓投資?)有向佢請教,佢好叻!有置業、投資,都係覺得買磚頭實際啲!儲緊首期,心水想買香港區樓盤。」

除咗買磚頭投資,原來周家怡都有意仿傚王宗堯開設製作室,「想好似佢咁開 production house,想學多啲幕後嘢,希望可以做到呢樣嘢。」問到有冇公司招手,家怡坦言在考慮當中,「有公司洽談過,希望簽到間好嘅公司,合作愉快就最好。」有揸住過億樓嘅阿佘教路,方凝 BB學嘢

孖宗堯密接

成為客戶新竉,周家怡孖住男神王宗堯接拍 AIA廣告,飾演夫妻有咀戲。網上圖片

網上圖片

周家怡最錫家中兩老,收入多咗,梗係要帶佢哋周圍食好嘢。網上圖片

新戲拍學友

周家怡人氣升,最近仲有份演出張學友同林嘉欣主演新戲《暗色天堂》,據知仲有兩部電影搵佢演出。

姊妹拍住上

周家怡一向同阿佘 friend過打 band,雖然阿佘已貴為視后,但無損兩姊妹感情,喺大台期間,阿佘仲不時推薦周家怡畀監製,每次都有唔錯嘅角色。

《金枝》宮女

《金枝慾孽》阿佘飾演後宮佳麗,更推薦周家怡參演宮女一角。

《花家姐》智障妹

阿佘同周家怡喺《花花世界花家姐》飾演智障人士,兩人戲裡戲外都係好姊妹,特別有默契。

齊拍《天與地》

《天與地》阿佘繼續孖埋周家怡演出,不過就冇乜機會姊妹同場。

鍾意就快D Share啦!