掃呢頁CODE去手機

2015年7月1日 星期三

楊受成貼身照顧學友 [FACE - 423] 學友,楊受成,張學友,MF,



切完燒豬拜完神,楊生見學友張貼紙好似甩甩哋,即刻用手貼番實,平時呢啲下欄嘢梗係公關做㗎啦,楊生真係好重視學友㗎!

全知言

楊受成貼身照顧學友

自從張學友同合作 20年嘅陳淑芬決裂,唔少人都想簽得歌神加盟,相信英皇老闆楊生楊受成都應該恨到流口水喇。

上星期一( 22日)英皇新戲《暗色天堂》舉行記者會,老闆一到場,即刻周圍望下睇下歌神喺邊,一捕獲就即刻捉住學友雞啄唔斷,直頭人釘人咁 mark實學友,就連學友張貼紙鬆鬆哋,楊老闆都親手幫學友黐番實,又主動同學友祝酒。老闆招呼周到咁重視,學友都好開心啦,話唔定順手簽埋英皇呀!

當日楊生全程 mark實學友,睇佢表情咁開心,唔講以為套戲已經收過億!

楊生主動同學友祝酒,其他演員就梗係自己主動搵楊生碰杯

鍾意就快D Share啦!