掃呢頁CODE去手機

2015年7月12日 星期日

張晉打遍中港 華誼Paco開價搶金鵝 Paco,張晉,黃柏高,





其他影片:>>






話張晉「打」出頭真係唔過份,唔止「打」出身價4百萬,仲「打」通中港兩地,獲兩間電影公司爭崩頭。

據知,有片商為求搶得張晉嘅檔期,不惜比最新片酬再俾凸1百萬,以5百萬人仔利誘呢隻「金鵝」簽約;而土炮嘅太陽娛樂同國內龍頭電影公司華誼兄弟就大貪少少,希望將張晉羅致旗下,據為己有。

對於自己成為影圈「搶手貨」,張晉不置可否,但就表明保持開放態度:「有電影公司欣賞我,係值得開心!我同我經理人都係open嘅,同邊間公司合作,我哋都會傾。」

張晉喺《殺破狼II》入面激鬥連場,有助電影衝破5億票房,被問到如果簽公司或將來有合作,出品該電影嘅太陽娛樂會唔會係首選,張晉就答得好生鬼,話咩都唔理,如果唔係經理人做咩喎!
鍾意就快D Share啦!