2015年8月23日 星期日

譚詠麟65歲大壽 曾志偉難得唔飲酒 志偉,譚詠麟,曾志偉,



今日(8月23日)係自稱年年25歲嘅樂壇校長譚詠麟65歲生日,終於夠資格用2蚊搭車。尋晚就約咗一班老友去到西環嘅《尚品薈》食中菜,開生日Party慶祝。當晚陳百祥、曾志偉、彭健新、鄺美雲、余錦遠同老婆陳嘉碧等人,以及校長媽咪、家姐、細妹等都有出席,相當熱鬧!

校長今年生日好特別,出現咗19年一次嘅中西曆疊住同一日,好好意頭。尋晚校長著到紅噹噹,同班朋友大擦一餐。志偉就最早返歸,仲要難得好清醒自己行上車,終於唔係醉到要人抬出嚟;難怪佢阿女寶儀都話志偉痛風唔係壞事。

12點幾,鄺美雲(Cally)先到場,佢就笑笑口唔講送咗咩禮物俾校長。到咗凌晨1點幾,校長就同彭健新、幾個朋友走人;校長仲對記者大派利是。

校長上車時,身邊有朋友幫佢搬咗兩大箱相信係酒嘅嘢上七人車;校長出名愛酒,今年應該都收咗唔少靚酒做禮物。

校長人緣好,出名做壽做足成個月;啱啱《壹》仔去佢微博望吓今年生日飯盛況,計吓數,由8月11日開始去到今日,足足食咗7個蛋糕,相信仲會陸續有嚟。
8月11日
8月17日
8月21日,兩個打孖嚟。
8月21日,再嚟壽包。
尋晚大壽正式嘅生日蛋糕
鍾意就快D Share啦!
Related Posts Plugin for WordPress, Blogger...