2015年8月23日 星期日

陳偉霆買樓愛巢?阿Sa:工作行先 阿Sa,陳偉霆,蔡卓妍,



尋晚(8月22日)英皇開騷,陳偉霆(William)同女友蔡卓妍(阿Sa)無咩互動;阿Sa就全程黐實Twins嘅拍檔鍾欣潼(阿嬌)。被問到男友會唔會買樓共築愛巢,阿Sa同William似乎一早夾定口供,都話唔回應,講咗3次「工作行先」。

有心低調唔答嘅阿Sa,好彩有老友阿嬌解圍。大家都樂意問吓佢幾時有新戀情,阿嬌就話預計唔到。嚟緊準備開合體演唱會,Twins就話今次舞台會好特別;仲話唔會再打側身翻,專心做番個歌手仔。

轉移吓視線之後,講到近日曼谷大爆炸,阿Sa就話好鍾意去泰國旅行,依家當地有紅色旅遊警示,都會視乎情況先再去。

阿Sa講到呢排有唔少爆炸事件,知道有港人死傷,都不禁感嘆要珍惜生命。咁另一半呢?阿Sa話好多嘢都要珍惜嘅。
鍾意就快D Share啦!
Related Posts Plugin for WordPress, Blogger...