2015年8月23日 星期日

行路快過電車? 薛國強:塞車係咪停咗喺度呀 政治時事,





其他影片:>>






早前前規劃署規劃師薛國強向城規會申請取消電車路線,更直指「有時行路仲快過搭電車」,事後有傳媒以至街跑愛好者紛紛試跑,以證明薛國強言論不正確,薛今日接受《蘋果》專訪時解釋,人行得快過電車是指電車塞車的時候,由金鐘步行至上環一定比乘電車快,「電車塞車係咪真係停咗喺度呀?咁係咪行路快過你搭電車呀?」他亦承認自己從未居於港島,只是有親友是港島居民,每年搭電車「都無一、兩次。」

薛國強指自己並無塞車與電車有關的數據,僅指:「呢啲靠留心觀察架嘛,幾十年來嘅觀察嘛!」對於有指電車路面上不會排放廢氣,相對較為環保,他反駁指發電廠帶來的污染與巴士和小巴等路面交通工具無異,但被問到有否進行相關研究時,他僅指是觀察得來,「點計呀我又唔係呢行!」他認為港鐵與電車的路線已完全重疊,但港鐵效率高得多,所以電車已無存在價值。對於有社會意見認為電車有其歷史價值和社會功能,他則直指是抱殘守缺,「成日講歷史,咁人力車都唔應該廢除」

他又透露,取消電車的念頭源於他向城規會提交的另一份申請,建議中環所有建築物都需預留地面14.7米作通風走廊,如匯豐銀行一般,認為有助通風和令景觀更開揚,「城規會否決咗我2次,我咪把心一橫,處理咗電車問題先。」他指未確定若是次電車申請遭否決後會否再提申請,但他承認,自退休後自行提出的規劃申請,無一次能成功闖關。

其實除了電車,薛國強亦多次向城規會提出「創新」申請,如申請在駐港解放軍總部興建酒店,但遭到城規會否決,他亦2次建議在吐露港對出填海1500公頃,以增加區內就業配套,他解釋「因為吐露港個灣根本無水流到,一潭死水,海底積聚太多污泥做成污染,所以好應該攞嚟填海。」但被問及曾否進行水質評估時,他指「呢啲使乜我做架?政府做架嘛!」然而有關申請最終未獲城規會處理。

鍾意就快D Share啦!
Related Posts Plugin for WordPress, Blogger...