【入國際學校驚接受同性戀】黃秋生寸家長：學校有農場，怕唔怕個仔變豬？
2015-08-23 21:40:00
黃秋生近排每日都同吳君如為舞台劇《狂揪夫妻》演出，但仍無阻佢對時事發聲，佢噚日凌晨喺社交平台，對一位父親批評本港主流學校填鴨式教育，並為個仔申請「在家自學」嘅新聞，留言道：「話唔考慮畀個仔讀國際學校，怕個仔接受同性戀觀念，我諗吓，如果間學校喺郊外，有農場，唔知佢怕唔怕個仔變咗隻豬呢？」
該位做地盤判頭嘅李姓家長表示佢11歲嘅獨生子李科成喺內地長大同讀書，成績中上，今年就獲批單程證來港，但佢表示本港主流學校係填鴨式教育，老師教得好死板，但又唔會選擇讀國際學校，驚個仔會冇基本禮儀，或者接受同性戀等觀念，所以向育局申請「在家教育」。
相關新聞:
父向教局申請「在家教育」11歲童不開學 擬月擲萬元報讀坊間課程
http://bit.ly/1h5t6e2
秋生今日喺fb又評論時事啦 (黃秋生fb圖片)
秋生近日忙於演舞台劇《狂揪夫妻》，華仔嚟咗捧場。 (黃秋生fb圖片)
11歲的李科成 (讀者提供圖片)
|
鍾意就快D Share啦！
|
|
|
