| 掌摑事件變全城熱話，大家就估緊單嘢真定假，不過曾江現身就話今次唔係造假，當時都幾驚訝。 | next 1/1 pre |
 | |
| 謝賢怒摑曾江（資料圖片） | next 1/1 pre |
 | |
| 曾江出巡去尖咀同朋友食飯，見佢心情都OK。 | next 1/1 pre |
 | |
| 曾江話老婆焦姣有擔心佢畀謝賢掌摑一事。 | next 1/1 pre |
 | |
| 食完飯曾江話同謝賢揸個手就算。 | next 1/1 pre |
 | |
| 事件主角之一嘅謝賢就話事件過咗去就唔回應。 | next 1/1 pre |
 | |
| 胡楓話自己無講大話，但係就喺度車大炮，搞到件事疑幻疑真。 | next 1/1 pre |
 | |
| Joe Junior就話如果件事係宣傳，最好到尾都呃埋佢，唔好畀佢知真相。 | next 1/1 pre |
79歲的謝賢與80歲的曾江被傳積怨多年，前日謝賢在宣傳活動結束後終於大爆發，七度爆粗狂鬧曾江拍攝時「詐跛」，因而怒摑對方，夾在中間的胡楓慘食無情掌，眼鏡被打到移位，曾江雖然「食唔應」，但助聽器亦被打甩。由於事件太過出人意表，事發時Joe Junior全程舉咪收音，表現冷靜，加上胡楓事後以「宣傳論」打圓場，令外界揣測整件事乃宣傳伎倆。
「永遠當佢朋友」
謝賢昨日被問是否夾計宣傳？他說：「都過咗去啦，收線啦。（曾江有冇打畀你？）仲講嚟做咩啫，都過咗去，唔記得喇！」隨即收線。
而曾江昨日黃昏時獨自由寓所步出，準備乘的士往尖沙咀與友人飯局，行路一拐拐的他被問到臉部痛不痛？他說：「唔痛，隻腳就痛，食咗藥喇。（謝賢有冇打電話畀你？）冇，最好依家見到佢！希望佢撞到我，大家揸吓手就算（佢摑到你塊面？）冇，佢打到胡楓，揩到吓我。」
之後曾江接受本報電話訪問，問他點睇外界猜測他們夾計宣傳，他說：「今次唔係囉！成件事我都幾驚訝。（有冇朋友做？）永遠當佢朋友。（17日去唔去飯局？）請我咪去，佢唔請，我點去？（你可以主動示好？）做主動嗰個唔係我，個波唔喺我度。（你話等謝賢道歉電話，佢話你要等佢入咗棺材先？）使乜道歉，有乜咁大件事啫。（太太焦姣有冇擔心你傷勢？）有冇咁大件事呀？你哋睇吓佢係發火啫，但有冇全力打？不過太太永遠擔心我，我好多時都令佢擔心。」
曾江昨晚與太太及友人飯局後，對於藉被打來宣傳，他笑笑口說：「我都希望係啦，哈哈！（同謝賢有積怨？）應該冇，係呢次，我都好耐冇見佢（謝賢請台前幕後17日飯局？）係呀，冇叫我。（自己到？）無謂（唔想再見？）我冇所謂。（有冇問候胡楓傷勢？）當時問咗，佢冇事。（謝賢）都唔係好大力打。」
當日夾在謝賢與曾江中間的胡楓，前日聲稱是宣傳，昨日就「褪軚」，他說：「我做乜咁老實，你哋認為係真就真，假就假，冇答案。（你又話係宣傳？）我冇講大話呀！但有車大炮啫！哈哈！（無綫叫你封口？）做乜唔畀我講啫！」他又得戚地表示事發時眼明手快，使出一招「顏面救江」，他說：「我其實手腳都敏捷！唔講啦，我出去傾九月演唱會啲嘢，（搵4個小生組四大天王演唱？）good idea！但謝賢一定話『好！睬你都傻！』」
「情願係我畀人呃」
Joe Junior被封「盡責收音師」，對於有傳事件是宣傳，他昨在電話中說：「我情願係我一個畀人呃，連佢哋都呃埋我，因為大家好朋友，想以和為貴，其實嗰日錄音，我哋四個有講有笑，我仲以為謝賢同曾江講笑，我太集中精神做嘢喇！」
有指《4》幕後工作人員早在拍外景時，已聽過謝賢說：「我打你（曾江）就上娛樂頭版！」故認為事件是謝賢自編自導自演的宣傳，不覺他動了真火，更不信是借勢將新仇舊恨一次過大爆發。而監製蘇敏儀被問會否將今次事件在節目中交代或向大家道歉？她斬釘截鐵地說：「唔會，呢個係旅遊節目，總之原本計劃係點就點樣播出街！」
|
鍾意就快D Share啦！
|
|
|
