曾江風騷：揸吓手就算個波唔喺我度
謝賢前日在《4個小生去旅行》記者會上邊爆粗邊掌摑曾江，全城食花生睇戲，事件被質疑是宣傳。其實二人積怨已久，有知情人士爆料指他倆拍攝期間已經常出手互推，謝賢多次說：「打你咪打你囉！最多咪上C1！」而曾江昨日被拍得一拐一拐外出，並表明不會主動求和：「個波唔喺我度！」
曾江昨日走路時一拐一拐，他表示面不痛但腳痛，其後他與太太焦姣外出時心情不錯。
曾江與太太焦姣外出時心情不錯。
在前日的記者會上，謝賢激動得出手怒摑曾江，全城哄動。
年屆79歲的謝賢前日在《4個小生去旅行》記者會上，怒摑曾江，打甩曾江的助聽器，連夾在兩人中間的胡楓也飛甩眼鏡，成為全城熱話，猜測是真爆「江」或假爆「江」？
無綫官方澄清指事件並非宣傳伎倆，但據知無綫內部卻有不少員工認為似宣傳居多，因為有知情人士爆料指謝賢與曾江拍攝期間十足大細路，傾偈時興起出手互推，謝賢當時也多次說：「打你咪打你囉！最多咪上C1！」，故爆「江」事件惹來謝賢自編自導自演之嫌，然而曾江現身否認被掌摑是「做戲」。
在下周一播出的《4》首集內容中，謝賢與曾江互動較多，坐飛機及食飯均坐在一起，又以肢體來溝通，不時笑着互推及互窒，更不時搭膊頭扮Friend！但其中一幕是謝賢推着坐輪椅的曾江時發牢騷：「叫無綫唔好請埋啲廢人返嚟」
昨日傍晚六時許，曾江獨自離開寓所，步履緩慢兼一拐一拐，明顯受痛風影響，但見到記者仍保持笑容，問到塊面是否仍覺痛？他笑笑口說：「唔痛，隻腳就痛，我都食咗藥！（謝賢搵你？）冇呀！希望佢撞到我，大家揸吓手就算（打到你塊面？）冇，佢打到胡楓啫，揩到吓我。」心情不錯的他表示沒因此嬲謝賢。對於今次衝突被質疑做宣傳，曾江接說：「今次唔係囉！成件事我都幾驚訝！（仲有冇朋友做？）永遠當佢朋友。（17號去唔去飯局？）請我咪去，但佢唔請，我點去？（主動示好？）做主動嗰個唔係我，個波唔喺我度。（太太擔心你受傷？）有冇咁大件事啊？你哋睇吓佢係發火咁解啫，但有冇全力打？但太太永遠擔心我。」
之後曾江往尖沙咀會合太太與友人晚膳時說：「我都希望係（宣傳手法）！（同謝賢有積怨？）應該冇啩，都係呢次。謝賢唔請我（去飯局），佢應該唔會請我。（佢請晒全劇組？）佢冇叫我呀！（如果請你去唔去？）無謂（唔想再見面？）冇所謂。（問候胡楓傷勢？）當時問咗佢冇事，你睇謝賢當時都唔係好大力打。」
至於謝賢接受電話訪問時不耐煩地說：「有咩好了解啫，都過咗去啦，收線（曾江有冇打番畀你？）仲講嚟做咩啫，唔記得」說罷即收線。
胡楓自認車大炮
胡楓當日曾指事件乃為宣傳節目，但昨日再問他衝突孰真孰假？他竟遊花園說：「我做乜咁老實，你認為係真就真，假就假，冇答案。（你又話宣傳？）我冇講大話呀！但有車大炮！哈哈！」對於謝賢對曾江的多個指控，包括「錄音阻住返歸」，胡楓說：「當日謝賢要錄一段『甩咳』對白，已經錄到忟忟哋，曾江講笑話快啲啦，阻住收工，我估係咁唔開心啩！（謝賢話你挑通眼眉，冇幫曾江推輪椅？）你睇吓片啦，我有推！（信曾江腳痛？）一個人梗有啲病痛。」對於曾江流四小時鼻血，他表示不知流了多久，但笑指應是日日跟謝賢食薯片所致。胡楓希望有機會做和事老，更笑言仍在檢查眼鏡中，若有損壞，會向謝賢索償。
Joe Junior嚇呆
被質疑爆「江」期間為何一直淡定幫記者拎咪的Joe Junior，昨日表示當時嚇呆：「就算手上面拎炸彈我都唔會知，都驚到唔知做緊乜！（宣傳伎倆？）吓！咁我情願係我一個畀人呃，連佢哋都呃埋我，大家係好朋友，想以和為貴。嗰日喺錄音室，我哋四個都有講有笑！」又指謝賢有邀請他出席下周一的飯局，至於謝賢說不邀請曾江，他說：「到依家我真係希望只係一個宣傳，我出街、去焗桑拿，都畀人係咁問究竟係真定係假。」另外，《4》的監製蘇敏儀被問到會否在節目中加插謝賢與曾江握手言和的戲碼，或以旁白交代事件，她指節目不變，因為是旅遊節目，會以原來的形式播出。
文：專案組
採：影視組、追蹤組
曾江昨日走路時一拐一拐，他表示面不痛但腳痛，其後他與太太焦姣外出時心情不錯。
曾江與太太焦姣外出時心情不錯。
在前日的記者會上，謝賢激動得出手怒摑曾江，全城哄動。
|
鍾意就快D Share啦！
|
|
|
