| 工作量大減搞到約滿都未夠騷，苟芸慧隨時畀無綫告要六位數字賠償。 | next 1/1 pre |
 | |
| 苟芸慧好認真同職員傾舖頭嘅運作。 | next 1/1 pre |
 | |
| 雖然企喺收銀櫃，不過苟芸慧都好留意客人有冇需要。 | next 1/1 pre |
 | |
| 苟芸慧落手落腳親自落場執枱又抹枱。 | next 1/1 pre |
 | |
| 清潔完仲擺番好啲餐具，苟芸慧工作非常認真。 | next 1/1 pre |
 | |
| 苟芸慧手指同職員研究宣傳牌嘅擺位。 | next 1/1 pre |
 | |
| 對盤生意好緊張，苟芸慧略施脂粉現身舖頭打點大小事務。 | next 1/1 pre |
 | |
| 做完呢樣又做嗰樣，苟芸慧低頭密密手做無停過。 | next 1/1 pre |
 | |
| 之後苟芸慧去咗書店揀有關烹飪及語言等書本。 | next 1/1 pre |
 | |
| 苟芸慧睇得好認真，仲一邊睇一邊咬手指，超可愛。 | next 1/1 pre |
 | |
| 最後成功揀咗幾本書。 | next 1/1 pre |
 | |
| 苟芸慧好認真咁研究唔同嘅餐具。 | next 1/1 pre |
 | |
| 仲細心咁問職員嘅意見。 | next 1/1 pre |
 | |
| 苟芸慧當選華姐後，一直Keep住狀態，經常以性感形象現身，加上白滑肌膚及迷人電眼，被大批宅男推舉為女神！ | next 1/1 pre |
近年無綫花旦走一個少一個，流失率高，繼視后胡杏兒後，有指佘詩曼及徐子珊等一線花旦也決定於約滿後向外闖，同時無綫為免出現花旦斷層的局面，陸續培訓具潛質的小花補位。華姐出身的苟芸慧本來也是無綫力捧的花旦之一，惟前年因受甲狀腺問題困擾，令身形猶如中了「不瘦降」般愈見腫脹，加上心情低落，被迫停工休養。
自動波執枱快夾妥
正當外間以為苟姑娘因病無心戀戰要全面專心養病時，日前竟見略施脂粉、架着眼鏡兼綁着頭巾的苟姑娘，在尖沙咀一個商場內的點心店「点心代表」現身。當時正值傍晚時分，全店幾乎滿座，明顯清減不少的苟姑娘，紆尊降貴放下女神身段，走到一張張食到成枱碗碟的餐桌前，親自又抹又執，抹乾淨後，又快手快腳Set枱擺好碗筷，眼明手快冇甩拖！苟姑娘唔單止睇得，而且好做得！以為女神只識扮靚，做嘢會打爛嘢？No Way！
苟姑娘的確冇時停，又抹又執完一輪，主動去收銀櫃枱翻閱帳簿，雖然睇到入晒神，但聽到有食客需要服務，即叫職員上前，一眼關七！
一眼關七笑容冧客
期間她跟職員研究宣傳牌的擺位，明顯對點心店大小事務都非常熟悉及投入。雖然有不少食客驚見女神駕到，親自招呼不假手於人，但苟姑娘明顯已見怪不怪，盡顯其親民本色，向食客點頭微笑。由樓面工作包括侍應及收銀，以至管理全面一腳踢，忙足一粒鐘，完全未見她有絲毫疲態，愈忙愈有活力！
微服出巡做生招牌
據知，早年接Job接到唔停手的苟姑娘向來慳儉，賺一蚊儲一蚊，由於深明花無百日紅，加上本身愛研究美食，故今次膽粗粗一擲數十萬元，和朋友合資搞點心店，把興趣化為生財之路外，更希望在現時事業停滯時殺出新血路。處女下海首當老闆娘，難怪苟姑娘對點心店緊張非常，據知店舖雖然還在試業中，但她卻頻頻微服出巡，力不到不為財，親力親為不惜做生招牌化身為「點心女神」！
低處未算低，據知早前苟姑娘約滿無綫，與公司就續約條件拉鋸之際，無綫以她Under Show即「唔夠騷」為由，要求她賠償6位數字差額！
苟芸慧被譽為女神，出道時靚絕無綫，有樣有身材，劇集一套接一套，同時緋聞不絕，包括視帝鄭嘉穎及天王郭富城等，緋聞勁人氣強，高峰期騷價由三萬元升至十萬元，尤其前年和城城的緋聞愈炒愈熱時，短短兩個月已出席十個活動，百萬元袋袋平安！沒料身處高位的她患上甲狀腺失調，在藥物副作用影響下體重暴升，一度脹至170磅，且情緒低落，工作量因而急跌。其後苟姑娘返加拿大養病，雖然在當地病情得以控制，惟返港後病情再度反覆，工作亦少得五隻手指數得晒！
放假形式延長合約
據知經多番傾談後，無綫終作出讓步，讓苟姑娘以放假形式延長合約，直至10月中假期終結為止，同時也讓她於這段時間認真考慮之後的路向，至於6位數字的差額亦可暫時Hold住。而無綫方面已向苟姑娘提出不同合作方案，明顯是希望苟姑娘能強勢回歸幕前，但據知她尚未作出決定，而其病情暫時仍反覆不定，未完全痊愈。
苟姑娘投資做點心店老闆娘，除了落手落腳打點店舖大小事務外，背後也花了不少心機。當日苟姑娘在點心舖忙完一輪後，到附近書店打書釘！令苟姑娘睇得入神的並非愛情小說，而是一本又一本的烹飪書，中西式甚至甜品糕點都一一翻閱細看。
睇廚具落足眼力
在書店逗留半小時後，她行經一間售賣廚具的店舖，立即精神百倍，並入內細看各式煲及鍋，更細問店員每個煲的特性，聽得頭頭是道。苟姑娘出名精打細算，聽完一輪後，向店員取過貨品的資料單張後便離開，明顯是回家慢慢研究，未有因一時衝動而購買。
據知，苟姑娘在這段休養期，除了要為新店張羅外，更上烹飪班、廣東話班、瑜伽及跳舞班自我增值，不過最令她着迷的莫過於賽車。早前她在珠海玩賽車發生意外，幸好無大礙，據知她的確對賽車有濃厚興趣，並已考獲國際賽車牌，可以落場參加賽事。賽車不僅訓練專注及集中度，原來更是收身的好方法！由於每次落場都要穿着又厚又貼身的賽車服，一着就要數小時，賽車服太焗身，因此排汗量及消耗的熱量相當高，故自苟姑娘玩賽車後，身形比之前更瘦！
|
鍾意就快D Share啦！
|
|
|
