掌摑風波四哥拒道歉 曾江：揸吓手算喇
謝賢（四哥）前日在《4個小生去旅行》記者會上怒摑死敵曾江，還力數對方三宗罪，但曾江竟然全無怒意。昨日傍晚曾江離開九龍塘寓所時笑意盈盈，欲伸出友誼之手說：「希望佢撞到我啦，撞到揸吓手咪算囉！」不過，四哥態度企硬無意和解，昨日他接受電話訪問時堅拒道歉：「我點會做呢啲嘢啫！」
現年79歲的謝賢和80歲的曾江傳已積怨半世紀，二人跟胡楓和Joe Junior前日為無綫節目《4個小生去旅行》宣傳時終於爆發衝突，四哥在記者會上力數曾江三宗罪，狂插行程中有人詐腳痛，流鼻血4粒鐘論匪夷所思，最㷫是大前日錄音時，四哥被曾江指斥阻收工，令四哥無明火起怒摑曾江，致曾江助聽器飛脫，並殃及池魚，打到胡楓眼鏡也飛脫，全城哄動。
曾江昨晚6時許離開九龍塘寓所，他笑問記者：「等咗好耐？」被問塊面有沒有受傷？他邊行邊說：「冇事，冇打到我，掂到啫，阿修就慘啲。」追問四哥有沒有致電給他？曾江說：「希望佢撞到我啦，撞到揸吓手咪算囉！」明顯是伸出友誼之手想和解。
■曾江昨晚離開寓所，見他臉部沒有受傷，並欲向四哥伸出友誼之手講和。
■四哥前日掌摑曾江後，到四季酒店嘆茶。DV圖片
■四哥一掌打落曾江塊面，昨日四哥仍堅拒道歉。
四哥：我點會做呢啲
有指曾江在俄羅斯旅程中痛風復發，玩越野車時太刺激，致爆血管長流鼻血4粒鐘，回港後即與太太做全身檢查，昨日見他雖然沒有坐輪椅或用枴杖，但行路時仍一拐一拐，問雙腳是否仍然好痛？他說：「食咗藥好啲，今晚同啲後生一齊食嘢。」然後便行去附近的法國醫院門外截的士，直駛住尖沙嘴K11商場會合太太焦姣，到Pizza Express晚膳。晚上8時半，曾江等人離開餐廳，被問是否做戲夾宣傳？他苦笑謂：「希望係希望係，希望係，哈哈哈。」是否多年仇怨？他說：「應該冇啩！」四哥指「忍咗好耐」？他說：「一次啫，係嘛呀？除咗呢次同佢之外，都好耐冇見佢。」有指四哥下周一會請《4個小生》台前幕後食飯睇首播，曾江有點尷尬謂：「佢唔請我，佢應該唔請我啩。」如果請呢？他說：「我諗無謂嘞嘛！」
經過一天冷靜，四哥昨日在電話中亦未有前天激動x足七次，只謂：「唔好再提喇，呢啲嘢過咗去就算。」對於外間質疑是否宣傳？四哥劈頭便說：「黐線啦，咪由佢哋講囉，乜都有人講㗎啦，唔好再提呢啲嘢喇。」至於會否向曾江道歉？他說：「唔好講咁多嘢呀，我點會做呢啲嘢啫？」
採訪：嵐山、梁繼光
攝影：吳耀輝
■曾江與太太焦姣昨晚相約好友，到尖沙嘴吃薄餅。
四個小生逐個講
四個小生前日在記招爆衝突，他們昨日接受本報記者訪問，再回應掌摑事件。
|
鍾意就快D Share啦！
|
|
|
