掃呢頁CODE去手機

2015年8月3日 星期一

《大時代》電影版大換角 劉青雲做丁蟹? 劉青雲,秋官,鄭少秋,丁蟹,大時代,青雲,



【誰演方進新?】《大時代》電影版大換角 劉青雲做丁蟹?

2015-08-03 16:21:00



劉青雲會唔會演《大時代》電影版丁蟹呢?(設計圖片)

韋家輝同杜琪峯忙完電影《三人行》之後,呢輪佢又開始攪《大時代》電影劇本,部戲會由邵氏同英皇一齊投資,初時想搵韋家輝監製同編劇,導演就搵王晶頭馬張敏嚟做,但好似內部好多人反對,結果邵氏想游說韋家輝自己做番導演,但佢似乎偏向唔做,只肯幫手做監製同編劇,免壓力咁大。

咁又係,話晒呢部係神劇,所以就算開拍電影,選角方面都真係幾考工夫。聽講「丁蟹」角色,想搵劉青雲嚟做,唔會搵番鄭少秋做呢個角色,畢竟係電影,始終要搵番電影卡士,其他演員除咗英皇想擺埋林峯落去外,其他演員就未定實。

雖然之前有吹過無綫想擺旗下藝員入部戲度,畀岑麗香演慳妹、陳凱琳演龍紀文、馬國明、黃浩然等做丁蟹啲仔,但據知有份參予嘅電影人講,話電影始終係電影,你有冇見無綫有份投嘅《賭城風雲3》,可以放到旗下藝員做主角呀?頂多咪做下啲閒角,所以《大》嘅電影版,一定係搵番有賣座力嘅電影演員嚟做,主要投資方英皇都唔會肯畀無綫擺晒自己人入去今日問過青雲經理人阿May,問佢知唔知開拍電影版想搵青雲演,佢話:「未收到通知喎!真係搵先算。」



大家覺得香香做慳妹點?



陳凱琳做龍紀文.....嗯....



馬國明做丁蟹囝囝?(資料圖片)



黃浩然(資料圖片)

鍾意就快D Share啦!