掃呢頁CODE去手機

2015年8月3日 星期一

Cold call中招 唔借都要3.5萬顧問費 政治時事,





其他影片:>>






「當初接到個cold call,對方可以講出我姓乜,仲講出我啲借貸情況;又話可以幫我格價做更低息口,佢哋仲強調唔成功唔收費。」正準備再創業的阿Ben,4個月前向財務公司借30萬元,這個cold call若如其所言,真的可以減輕負擔。

一年前,阿Ben第一次創業時,曾向銀行借30萬作周轉資金,其後一過罰息就即一筆清還。今年4月,他向財務公司再借一筆30萬元作團購生意,因仍未過罰息期,故沒有一筆清還,但每月均依時清還。「呢啲錢係借來創業,借30萬分5年攤還,每月供7800元,總利息成差唔多17萬,如果可以計平啲息梗係好啦。」

7月23日,Ben帶齊一般銀行借貨必備的個人資料,例如糧單,稅單,住址證明等,依約到彌敦道彌敦行13樓一間資產管理中心。「佢哋先要我簽一份協議書,當時我見到張協議書係不成功不收費,於是就簽名。」

中心李姓負責人接待Ben時表示,他們可以將Ben的30萬債項轉到另一間財務,同時可以再借多6萬,月供8千。「佢哋話,另外3.6萬元手續費,可以幫我轉介到第二間財務公司做,每月只供2080元,供24期。」Ben計過數後,認為息口沒有平,反而要孭一筆3.6萬手續,於是拒絕。

7月27日,Ben明確表示拒絕後,即收到該中心的信息。「對一些違反合約精神客人,我哋唔會出律師信,還有個人立場想講一句,你何來有錢同我地公司打官師(司),如果個個客人毀約就搵警察無事,我地公司仲洗做生意?我會轉交其他部門」。同一時間,有兩名「金毛仔」到Ben公司大聲喧嘩叫囂;當晚Ben即到住所轄區的元朗警署報案。

連日三更半夜更被電話滋擾,阿Ben決定到該顧問公司了解並取回已簽署的文件,惟該公司的客戶主任李先生明言無法取消合約,更指「你帶(文件)返去搵律師睇吓先。」李先生信心十足表示,Ben當日所簽下的為「委託合約」,即使沒有借貸,需繳付手續費。「筆貸款做咗,而家係你唔借,唔係唔成功」。

Ben追問為什麼當初職員自稱與銀行有關,另有收數公司追討,李先生輕蔑否認,「你有證據拎出嚟」。指公司僅提供轉介借貸服務,會委託持牌銀行或財務公司,但拒絕透露有關銀行及財務公司名稱,「你借我哋先會講」,之後以有客為由,要求Ben離開,Ben坦言不怕事件惹禍,「我怕乜?香港係法治之區,我點會怕呢啲事。我企出嚟就係想呢種電話騙案到此為止,唔好畀第二個成為受害者」。

《突工隊》四圍去,大小事都為你追!

【借錢搶錢(二)】11日奪公屋 Peter:陷阱一環扣一環 http://bit.ly/1Uh3xoW

【借錢搶錢(三)】無良財仔冒房署:未補地價都按到 http://bit.ly/1MGK13I

Ben(左)連日受到各種滋擾;中介公司的客戶主任李先生(右)否認派人追數。 日前有人在阿Ben公司樓下張貼追數單張。 Ben指拒絕繳付手續費後,對方即表示報警也沒有用。
Ben決定報警求助。
鍾意就快D Share啦!