| 竟琋百日宴現場真係好熱鬧架。 | next 1/1 pre |
 | |
| 幸福一家四口。 | next 1/1 pre |
 | |
| 加埋爺爺洪金寶，Perfect！ | next 1/1 pre |
 | |
| 個蛋糕好cute，啱晒小朋友。 | next 1/1 pre |
 | |
| 三代同堂吹生日蠟燭，勁溫馨。 | next 1/1 pre |
 | |
| 洪金寶同精靈竟琋合照。 | next 1/1 pre |
 | |
| 天明同家蔚喺圈中人緣勁好，大家又數唔數到有邊幾位星級朋友出席咗今次嘅百日宴？ | next 1/1 pre |
 | |
| 洪天明與太太及大仁同遊樂園。 | next 1/1 pre |
 | |
| 大仁玩得O晒嘴，好萌！ | next 1/1 pre |
 | |
| 兩父子都咁Chok，好襯。 | next 1/1 pre |
 | |
| 雖然睇天明影相時咁開心，但其實佢為咗湊呢對寶貝仔，犧牲咗好多嘢，睡覺時間之外，仲要吸鼻涕，父愛真係好偉大。 | next 1/1 pre |
「帶子洪郎」洪天明自兒子出世後，生活習慣徹底改變，賣命工作，實行做顧家男。月初天明為細仔竟琋舉行百日宴，與爺爺洪金寶三代同堂切蛋糕。今日他又與周家蔚帶同兒子到主題樂園玩，認真廿四孝！
天明與周家蔚婚後三年抱兩，一家四口樂也融融！8月6日乃細仔竟琋出生100天，天明提早兩日筵開6席招呼親朋戚友，圈中好友包括元彪、佘詩曼、文頌嫻及方中信等紛紛到賀，場面熱鬧。
洪金寶為孫仔甘頻撲
天明表示：「本嚟想正日先食飯，但爺爺（洪金寶）趕住返內地工作，又避開錢嘉樂生日，所以改喺4日搞啫。雖然咁高興，但我嗰晚要做屋企人嘅柴可夫（司機），所以滴酒不沾。（咩禮物最特別？）都係啲衫仔、鞋仔，同埋利是咁囉，大家咁畀面嚟，已經好好嘞。」洪金寶出席完孫兒百日宴後，更要連夜趕飛機，如此頻撲果然同天明一樣咁「廿四孝」。
天明不諱言最感恩是竟琋健康狀況比大仁出生時更理想，不過隨着3星期前大仁開始上學，兩兄弟即齊齊病倒，至今仍未完全康復，令他大感無奈及擔心：「阿哥喺學校傳染咗感冒，返到屋企一家大細都有可能一齊病，最慘係細佬搞到鼻塞，佢飲奶透唔到氣發忟，夜晚頻頻起身扭抱，我試過用吸管幫佢吸鼻涕，都幫唔到幾多。小朋友最多畀少少藥佢食，但藥力少又會好得慢，搞到細佬瞓咗，朝早阿哥起身又要黐住我，我依家每日瞓得幾粒鐘咋。」天明又表示不想只當「負責賺錢的爸爸」，希望多花時間在兒子們的成長路上，可見兩個心肝地位舉足輕重。
天明又指較定性的大仁，已習慣學校群體生活，又可以自己搭校車返學放學，令天明放下心頭大石。在細佬百日宴上，大仁更「搶咪」上台大唱生日歌娛賓，樣子萌爆，氹得台下長輩們開心不已。問到天明可打算讓兒子「承繼衣缽」入行，他坦言：「咁早邊知佢係咪真係有興趣吖？仲細，睇情況啦，最緊要畀佢自由發揮吓先。」
昨午天明夫婦帶同兒子再出動，相約大肚婆湯盈盈等現身主題樂園耍樂，天明與家蔚陪大仁睇煙花及玩機動遊戲，十足大細路。天明又坦言兒子出世後令自己生活習慣徹底改變，目前已甚少現身夜場。
|
鍾意就快D Share啦！
|
|
|