出完寫真做社工 DSE 24分𡃁模 口才搭夠入理大 [FACE - 429 - 大專校園] 𡃁模,MF,

Koei之前做𡃁模試過俾狂迷摸胸：「我覺得好委屈，喊住咁同前經理人投訴，點知佢反應勁冷淡，仲同我講『你遲啲就會慣』，其實做𡃁模唔易，有苦自己知！」

U花 U草

出完寫真做社工　 DSE 24分𡃁模　口才搭夠入理大

胡可欣（ Koei）

19歲

理大

應用社會科學系（社工）

Yr.2

自 4歲起 Koei已經同媽咪相依為命，而且 Koei媽咪喺 18歲時都試過自掏腰包拍性感寫真，難怪兩母女同聲同氣。

現讀理工大學應用社會科學系（社工） Yr.2嘅胡可欣（ Koei），自 4歲父母離婚後，一直跟媽媽同家姐相依為命。除咗屋企人， Koei見得最多嘅係社工，亦因為覺得社工好好人，感動到 Koei立志要成為一名社工。讀緊社工嘅同時， Koei竟然又係一名𡃁模，上月書展佢仲推出咗一本性感寫真。𡃁模騷身材，社工賣專業，角色似乎好矛盾喎！

Koei卻有信心稱：「反正我諗住畢完業都唔會 keep住做𡃁模，同埋我又唔係做咗啲唔見得光嘅嘢，使乜驚喎！況且我冇其他𡃁模露得咁激，我媽媽仲好「十卜」我拍寫真，佢睇完我啲相仲話趁後生就影多啲靚相，一啲反感都冇！」

雖然 Koei鍾意做𡃁模影靚相，但從來都冇忘記過自己做社工嘅志願， DSE以 24分考入理大社工， Koei話其實掹車邊：「我 24分入理大社工其實算最低分嗰個，其他同學都有 25、 26分，不過我諗我 group interview表現好啩。」以前有社工姐姐「天使下凡」幫過自己，咁將來會唔會步其後塵，做中學或邊青社工？ Koei竟然擰頭：「我想做老人家範疇多啲，因為比較易，佢哋只要多啲愛心同關顧就已經好滿足。相反青少年好反叛，單親家庭又經常要接觸家長，我資歷仲淺，我冇乜信心同人生經歷，驚自己說服力唔夠，等我出嚟做耐啲先」

其實 Koei平時最愛睇網絡小說，小姓奴嘅《壹獄壹世界》係佢至愛，不過佢就話自己唔係高登絲打。

雖然 Koei接受性感程度較高，但佢底線同大部分女仔一樣都堅持三點不露， Koei：「驚返唔到轉頭，始終我仲要做社工。」

撰文：彭家駿

攝影：范仲良

鳴謝： MegaSea Ltd.

鍾意就快D Share啦！

下一篇 》