港大真女神 好家姐最錫細佬 [FACE - 431 - 大專校園] 女神,MF,

U花 U草

港大真女神　好家姐最錫細佬

馮盈盈（ Crystal） 21歲

香港大學食物及營養學 Yr.4

自從讀咗食物營養學後， Crystal買嘢前睇營養標籤係指定動作：「𠵱家同屋企去買嘢必睇營養標籤，仲會教埋我屋企人睇，希望食得健康！」

雖則話 Crystal咁注重健康，但原來又肥又膩嘅甜品先係佢至愛，不過佢就話每次食完都會做瑜伽補番數，難怪食咁多都只得 47kg！

近排 fb彈起唔少大學男神女神專頁，皆因裡面唔係純文字討論，有激多靚相俾一眾兵仔潮拜。嚟緊升上食物及營養學 Yr.4嘅馮盈盈(Crystal)，眼大大皮膚白兼 42吋長腿(165cm），就係「 HKU Goddesses一港大女神」專頁被貼嘅女神之一。不過原來 Crystal除咗靚，仲係個好家姐，超錫細佬，更加為咗細佬健康問題，從小決心要做註冊營養師！

Crystal話細佬兩歲被診斷患有腎病，而且免疫力極差，郁啲就要住 2、 3個月醫院：「由細到大佢都唔可以食啲高鹽高糖嘅嘢，飲食方面要控制得好嚴，可能因為咁，細細個已經覺得飲食健康對自己同家人都好緊要，而且食物營養學可以幫到細佬，識得幫佢分邊樣食得，邊樣唔食得，所以一早已經決定好要讀呢科做營養師，幫細佬及家人打理飲食習慣。」

Crystal全程講細佬嘅嘢仲多過分享自己，睇得出佢同細路的確姐弟情深。 Crystal話：「雖然𠵱家我未拍拖，不過就算有男友，自己一有時間都會陪細佬，近排想方便啲，所以考咗車牌，可以揸車同佢周圍玩。」究竟做佢男朋友定細佬幸福啲？我完全睇唔透。

雖然 Crystal同細佬年紀相差 4年，但完全零代溝，嚟緊佢仲話想等細佬下年考完 DSE一齊去歐遊。

咪以為女神高不可攀，原來 Crystal都鍾意玩 Cosplay，一眾宅男巴打有望喇！

撰文：彭家駿

攝影：范仲良

鍾意就快D Share啦！

下一篇 》