熱爆娛樂: 噴射滑浪板 Onean Carver 生活＋趣聞,

2015年8月26日星期三

噴射滑浪板 Onean Carver 生活＋趣聞,

今個夏天你有冇wake過未？有冇滑過浪？

不論你玩咗未，今次介紹嘅噴射滑浪板你一定要玩，事關有咗佢之後滑浪板就會噴水推進，就算波平如鏡嘅水面上都可以玩到高潮迭起，真係諗起都濕濕地！

西班牙本身係滑浪勝地，南部安達魯西亞區內嘅海灘更加係世界滑浪高手雲集嘅地方，所以西班牙電動滑浪板大廠Aquila Boards，旗下嘅Onean喺2013年已經開始生產同類產品。Onean電動滑浪板配備咗電池同水泵，啟動時就會利用氣流喺水底製造衝力推動前進，原理就似早年興起嘅Water Hoverboard差唔多。不過Onean嘅板就作出改良，手持遙控器就可以控制滑浪板速度，而且容易上手，另一賣點就係摩打運作時接近係冇聲，如果裝上GoPro拍片就唔使擔心錄埋摩打嘅噪音。

Onean最近發表Carver同Manta呱兩款新板，當中較為吸引嘅當然係速度型嘅Carver，傳統滑浪板配上4400W摩打，叉滿一次電可以全速滑行20分鐘，但最高速度仍然測試中，適合追求速度感嘅高手。至於Manta就屬於穩定性較強嘅入門板，最高時速會限制喺8km內，電力夠你玩足2個鐘，等你可以慢慢練。