港姐口才前哨戰Like爆金句王
《2015香港小姐競選》掀起全城熱話，《東網巨星》繼上周一在Facebook推出《港姐任你Like》首階段的民選投票，成功選出三甲民選港姐後，第二階段「最腦筋急轉彎」亦於昨日啟動，讓一眾「巴絲」選出佳麗金句中的金句，如大熱佳麗(1)麥明詩為露毛解畫的「毛髮論」、(7)吳佩欣撐自己因號碼每次企中間佔優勢等。而麥明詩表示向來喜歡修飾詞語，若然用另類方法把事情變得更美麗，何樂而不為！
《2015香港小姐競選》於本月尾才舉行總決賽，但佳麗們連月來新聞不斷，無論私生活或整體表現，都掀起全城話題，而緊貼所有熱爆娛樂新聞嘅《東網巨星》，於上周在Facebook率先推出《2015香港小姐》民選投票《港姐任你Like》，讓「巴絲」click出心中佳麗人選，經過一個星期嘅投票，首個階段嘅「巴絲心水」亦告圓滿結束，賽果由(1)麥明詩以1,466Likes成為民選港姐票后，亞軍則是奪746Likes的(10)陳靜儀，季軍就是(3)羅丹虹以699Likes獲得，但一直被指大熱的(4)龐卓欣卻連5強也不入，令人大跌眼鏡。
吳佩欣企中間搶鏡
於公布首階段出線名單後，第二階段嘅「最腦筋急轉彎」 亦緊接開始（截止投票日期為8月17日中午），《東網巨星》Facebook已為各位「巴絲」精選咗十二位佳麗嘅金句，佳麗們不但樣靚身材正，口才也絕不遜色。
當中大熱的(1)麥明詩、(7)吳佩欣、(11)楊苡汶更相當啜核，早於首次泳裝亮相失手露毛成焦點的麥明詩，難得她表現豁達，並拋出金句：「毛髮與生俱來，今次百密一疏，係一個教訓，都係經驗！」吳佩欣於談及三甲信心及優勢時亦巧妙回答：「我嘅優勢係我係7號，因為每次上台都可以企中間位。」單身的楊苡汶被追問沒有男友會否dry爆，她亦即語出驚人表示：「咪飲多啲水囉。」果然腦筋急轉彎！
對於成為啜核金句，麥明詩謂：「本身都係好鍾意修飾詞語，同埋鍾意詩詞歌賦，如果用到第二個方法，就會令件事更美麗，例如我個名叫麥明詩，顧明思義係明亮詩歌！」而吳佩欣就謂：「我缺點比較細粒，企中間就可以多啲機會畀其他人見到我。」
獨立運作重新投票
至於「巴絲」只需於十二位佳麗們嘅金句中，認為邊位佳麗夠急才、夠啜核就可以畀個Like佢喇！（相關連結：http：//on.cc/MISSHK2015）大家放心，第二階段將獨立運作，故在第一階段已畀咗Like嘅「巴絲」，第二階段可以重新再畀Like。《東網巨星》最終會集合三個階段嘅總票數，選出《東網巨星》民選港姐。
投票方法依然簡單，只需喺心水佳麗嘅Profile專頁按讚就搞掂，既快捷又簡單！呢個投票最大好處，係任你Like，就算12個都係你心水，各位都可以隨心所欲想Like就Like。各位「巴絲」投票之餘，仲可以喺《東網巨星》Facebook港姐專頁一覽候選港姐靚樣、Profile同自我介紹片段等，真係好豐富！
文：影視組
|
鍾意就快D Share啦！
|
|
|