熱爆娛樂: 母女檔　體操 look代言　 Celine媽推復出　美心妹妹萌爆上免費運動班 [FACE

2015年8月19日星期三

母女檔　體操 look代言　 Celine媽推復出　美心妹妹萌爆上免費運動班 [FACE - 430] Celine,楊鎧凝,美心妹妹,MF,

16/8首度現身

美心妹妹同細佬一齊去九龍灣上堂，冇見一排，好似高咗又曬黑咗！

真面目

母女檔　體操 look代言　 Celine媽推復出　美心妹妹萌爆上免費運動班

「美心妹妹」楊鎧凝（ Celine）上月趁書展出寫真，點知內頁部份照片被斥意識不良，結果寫真被抽起冇得賣、攝影師被重案組調查， Celine媽李珈珈更被千夫所指，要立即暫停「美心妹妹」所有工作。

打算出書賺番筆，最後搞到一鑊泡。 Celine媽趁事件慢慢丟淡，急不及待推「美心妹妹」復出。繼早前同吳業坤拍廣告同出席公開活動，週日（ 16日）下午， Celine媽帶住一對仔女去由美心妹妹着體操衫做代言的「橡果學園」打免費籃球，期間 Celine表現活潑精靈，似乎對寫真風波開始淡忘。

難得 Celine走出陰影，咪再當個女係搖錢樹喇！

14/7最後公開露面

上月 14日宣傳寫真集，已經係美心妹妹最後一次公開蒲頭。《蘋果日報》圖片

上月 28日踏入 7歲的「美心妹妹」 Celine，早前受寫真風波影響，取消所有工作及活動，即使日前公開為一個書法比賽做嘉賓，都冇邀請記者採訪。

對鏡擺 pose賣萌

潛水 1個月， Celine妹妹終於現真身！週日（ 16日）下午， Celine由父母帶住，同細佬一齊搭的士由何文田寓所往九龍灣。落車時， Celine父母警覺地周圍望，反而美心妹妹如常跳來跳去，相當活潑。

搭𨋢期間， Celine動作多多，一時對鏡擺 pose，一時嘟嘴賣萌，未有如 Celine媽接受《東張西望》訪問時所講般情緒低落，「佢好唔開心，話想打爆個電視！」之後三人直接進入大廈內一間名為「橡果學園」的教室，教室門口正正貼了由美心妹妹着住體操衫拍攝的宣傳海報。據知兩姐弟定期上去學興趣班，跳舞、魔術、籃球都有，由於 Celine妹妹係代言人，可以免費上堂。

甚少陪囡囡出活動的 Celine爸，當日做埋「食蕉」睇水。

阿媽見到記者即發難，反而美心妹妹笑對鏡頭，又幾有大將之風喎！

阿媽發惡

搭𨋢都要對鏡嘟嘴擺 pose，果然有潛質食娛圈飯！

喊晒訪問博洗底

上月 28日係 Celine 7歲生日，「星媽」當然要把握機會擺相上網 keep下人氣。網上圖片

上堂近 1個鐘落樓走人， Celine爸爸一早 call定的士在卸貨區等候。見到本刊記者， Celine媽即時發惡，更試圖以的士門撞開記者，相反安坐車內的 Celine妹妹非常淡定，仲識對住鏡頭笑添！

有傳 Celine媽當囡囡係搖錢樹，至今已大賺 300萬。為了盡快讓阿女繼續生金蛋， Celine媽早前開始鋪路，低調幫 Celine接廣告，又出席唔邀請傳媒的公開活動。上週接受大台訪問喊晒話失眠同出街唔敢望人，分明係想洗底博同情，企圖以受害者身份幫女復出！發生咁大件事都唔好好反省，唔知遲下會唔會推埋個細仔做童星呢？

主打各類運動課程的「橡果學園」，有足球、籃球、體操、跆拳道等興趣班，以籃球班為例， 9節 1小時課程要$1,440，價錢唔算太貴。