行路仲未使用枴杖嘅白韻琹，拉開大廈道門後又懷疑自己搵錯地方。
同你吟一吟
白韻琹只老不呆
有日《壹》仔見到白韻琹一個人，企咗喺銅鑼灣羅素街一個大廈入口，明明拉開咗門打算上樓，但突然又猶豫唔知有冇摸錯門口，跟住行去前面幾個冧把再望吓。
最後白姐姐都係行返去同一個地方，但見佢用手拉住道門，搞咗好耐都開唔到，途人行過都好奇望吓，最終吸引到個靚女停低，幫手拉住道門俾佢入。
雖然行路唔使篤篤吓，白韻琹畢竟七十一歲，老態明顯，年紀大，力氣差都正常，但大家千祈咪當佢痴呆；事關白姐姐呢頭買咗兩個 The Austin單位都未收樓，幾個月前跑馬地「壹鑾」開售佢又郁手，手上揸住大把物業收租嘅包租婆，個腦絕唔可能退化。
|
鍾意就快D Share啦！
|
|
|
