掃呢頁CODE去手機

2015年9月17日 星期四

粗心 Coffee辛苦大肚婆 [壹週刊 - 1332] Coffee,M1,林芊妤



同你吟一吟

粗心 Coffee辛苦大肚婆

黃昏六點半,晚飯市開始,仲要係週末星期六嘅 Elements,好多食肆門外都企咗人攞飛等位,當中包括 Coffee林芊妤。當晚 Coffee約咗神獸蔡慧欣同個大住肚嘅朋友一齊食飯,但冇 book位亦冇諗定食啲乜,泰菜日菜每間都攞飛等一陣,跟住又嫌等得耐走咗去。

三個女人三心兩意,不停喺商場內騰來騰去,又上平台啲餐廳望吓,唔啱食又落番樓下再搵過。 Coffee係瑜伽高手,關節柔韌,腳骨力自然亦有番咁上下,不過,同行個大肚朋友攰到要兩手捧住個肚行, Coffee都毫無知覺,好粗心大意呀!難怪你同人殘廁 gathering,俾人拍晒片錄晒音,都懵閉閉啦。

喺 Mango Tree攞咗飛等位,但企唔夠一陣,三個人又改變主意,決定去第二間碰運氣,睇吓 Coffee旁邊個大肚 friend,攰到捧住個肚喇!

Coffee唔單只對朋友粗心,個人舉止亦好粗野,著住短裙搭扶手電梯戙高一隻腳,同蔡慧欣傾偈,個口擘到吞到個橙,冇儀態。

撰文:八珍

nextplus.nextmedia.com

鍾意就快D Share啦!