| 頭部移植呢個聽到都覺得癲嘅手術，大家都以為係恐怖電影情節，但更癲嘅係將會喺2017年變成事實！有冇人聽到之後即時摸下條頸先？ 早喺2年前已經發表頭部移植手術計劃嘅意大利神經外科醫生Sergio Canavero，喺一片爭議聲下宣布將會喺2017年正式進行手剩。Canavero醫生話會由臨床死亡嘅捐獻者提供身體，咁個頭呢？將會由一叫Valery Spiridonov嘅俄羅斯男子提供。 自願參加實驗嘅Spiridonov喺兩年前時決定接受手術，大家當時都以為佢痴咗線，但佢因遺傳病脊髓型肌肉萎縮症而令肌肉停止發育，嚴重影響健康同活動能力，所以佢決定博一博，希望可以藉此「重生」，而本身都係科學家嘅Spiridonov亦希望自己參與呢項突破性手術為科學帶來貢獻。 不過家陣要移頭個頭，並唔係砌模型用膠水就得，但Canavero醫生就係話用膠水，打算用膠水將頭同身體黐埋一齊，一黐就完成。不過就會用專門嘅生物膠水將新軀幹同頭部大腦神經末梢連實，然後再縫合血管。預計手術將會動用超過100名外科醫生進行36小時嘅馬拉松式手術，手術將會耗資1500萬美金，所以Canavero醫生都要靠出書同講座籌錢。 籌錢已經係一大問題，重要好多國家都唔接受進行呢種手術，結果中國就邀請佢哈爾濱大學醫院進行手術，而且頭部移植權威任曉平醫生亦會參與手術，佢已經先後為過1000隻老鼠成功完成厧部移植手術。講返呢次手術計劃命名為「Heaven-Gemini」，個名怪怪地加上醫生個樣有幾分邪氣，突然令我諗起人形蜈蚣，安已不。 |
|
鍾意就快D Share啦！
|
|
|