現年48歲的張立基，最近連接發生不愉快的事。今年7月母親因病去世，張立基質疑是院方疏忽，故要求死因研究庭進行聆訊。一波未平。今年6月，張立基於社交網站宣佈與拍拖一年多的女友Fiona奉子成婚，基嫂Fiona已經懷孕5個月，不過上月25日，張立基突然宣佈:「「真係一件接一件！頭痛！（唔好問我點解！不作解釋、回應）只有為基嫂祝福。」相中見張立基捉住基嫂嘅手，似乎為對方打氣；女友身穿病人衣服。向張立基求證，他只表示：「呢啲嘢，我唔係好想講，有心有心！」又指太太有好多手術要做，稍後才跟大家說，並謂:「我依家個人好亂。」
今日傍晚六時半左右，張立基到旺角豪華戲院出席活動時，主動宣佈女友Fiona不幸流產。他說:「本來唔想講，唔係開心事，但遲早都會知，所以都係自己講。」
張立基續道:「係9月1號嘅事，人工流產。早前太太(兩人仍未註冊)肚痛，入院檢查，醫生話情況唔太理想，要做手術(人工流產)。」他自言今次不幸對雙方打擊甚大，加上媽媽早前離世，令張立基心情更是直墮谷底。「媽媽7月走，9月太太小產。呢段期間我要同太太一齊度過。」
至於流產原因，張立基不欲多談，只謂要等半年至一年左右才再計劃懷孕:「媽媽守孝都要百日，而且我哋仲未結婚，未來呢一年都唔會結婚住。守孝都要百日。」至於母親的死因聆訊進展，張立基表示要等醫療報告出後才決定怎做。
| 張立基今日出席活動時，承認女友Fiona不幸於月初接受人工流產手術。 |  張立基表示此階段要同女友一齊度過難關。 張立基fb圖片 |  上月25日，張立基於網上貼文及圖，初露端倪。 |
 張立基fb圖片 |  短短數月，張立基接連遇上人生沉痛打擊。 |  今日張立基出席活動時，主動透露女友不幸流產的消息。 |
|
鍾意就快D Share啦！
|
|
|