掃呢頁CODE去手機

2015年9月14日 星期一

梁政珏走去睇BB 囝囝呷醋肚裏作反



梁政珏讚吓其他BB,點知肚入面仔仔就呷醋,整個「頂頭錘」畀媽咪歎下。

next 1/1 pre

梁政珏安慰仔仔,話錫番佢叫佢唔好嬲嬲喇。

next 1/1 pre

懷孕約8個月嘅前無綫「咪神」梁政珏(Jeanette),最近喺醫院安心養胎,一心靜待囝囝Johnson降臨嘅佢,仲不時喺網上晒幸福大肚相添!不過,Jeanette今早突然發長文,自爆佗B嘅狀況唔多穩定,早前仲試過企喺度都痛,要人幫手扶佢至得,Jeanette以輕鬆嘅口脗留言話:「唔知Johnson係咪嬲咗媽咪,自從媽媽有咗之後都冇讚過其他小朋友(連social media都冇),兩日前媽媽沒事做,散步行咗去嬰兒房,我講咗啲令Johnson Baby唔高興嘅說話,自此就好唔隱(穩)定喇!Johnson仲用個頭頂住媽咪右邊,等媽咪連企喺度都痛到要人扶,對唔住啦仔,媽咪錫返你!」Jeanette仲話希望囝囝唔好咁快出世,可以喺佢肚度留耐啲。唔少網友都留言同Jeanette打氣,仲叫佢要好好休息添!

鍾意就快D Share啦!