話明「我要健康，我要燒脂」，最有效嘅方法，梗係做運動啦! 繼有胡定欣怒舉張家輝碌嘢之後，依家有請一樣係「胡說八道」會嘅成員—李施嬅，同大家揈下張家輝個兩條嘢!
就咁睇李施嬅玩戰繩，揈呢幾下都幾用力，真係可以練到你手瓜起𦟌!之後再由呢位選手先向前打筋斗，然後借用健身波用力翻騰一週半，完美落地再興奮到跳起，難度唔高，成個動作成功全取滿分。
其實唔止呢個動作，李施嬅亦都同胡定欣一齊喪操，就連舉重都玩埋! 唔單止胡定欣同李施嬅，就連豹嫂都一齊去健身室狂操! 大台男子組有陳山聰一班Crazyrunner，睇嚟女子組就有佢哋呢班「Fitness Lady」喎!
