女星公開素顏樣 網民質疑韓可露：只執過鼻？
現年23歲嘅韓劇《不要戀愛要結婚》女星韓可露，近日拍攝《真的漢
子》女兵特輯第三期，並於節目中公開素顏，因為清秀嘅外貌而引起關注，同時被網民翻炒佢曾自認整容一事。
於前日播出嘅節目中，一眾女星於入兵營第一天就要接受身體檢查、體力檢驗等各種測試，而新兵入伍就當然無得化妝要以素顏示人，只得23歲嘅韓可露當然冇有怕，即使素顏都一樣咁靚，令觀眾印象深刻，同時被人翻炒佢整容一事。
韓可露曾於綜藝節目《Happy Together 3》中表示：「（我個）鼻唔係真嘅。以前接受訪問時曾講過自己前額、雙眼皮、下巴都做過手術，成塊臉都執過。我喺入咗公司之後先做手術，本來覺得話自己成個樣都執過咁講會好有趣，但係依家有啲後悔，其實我只有鼻係做過手術。」不過有網民就質疑：「真係只執過個鼻？」但仍有網民大讚韓可露夠坦白。
|
鍾意就快D Share啦！
|
|
|
