| 身為「娘娘」嘅DaDa要人陪，三位「兵」有如車輪轉咁傍到實。 | next 1/1 pre |
 | |
| 擁有34E澎湃上圍嘅DaDa，加上有甜美樣貌，要收兵無難度。 | next 1/1 pre |
 | |
| 出動價值500萬勞斯萊斯管接管送，一睇就知1號「勞斯男」係有米兵 | next 1/1 pre |
 | |
| 出席完活動嘅DaDa同「勞斯男」去食飯，叫得「有米兵」就梗係要去高級餐廳 | next 1/1 pre |
 | |
| 為咗低調，DaDa先行去攞位。 | next 1/1 pre |
 | |
| 相隔數日見DaDa同2號「紋身男」一齊步出香閨。 | next 1/1 pre |
 | |
| 真係好大個紋身架。 | next 1/1 pre |
 | |
| DaDa去到演藝學院先行落車。 | next 1/1 pre |
 | |
| 邊行邊撳電話，DaDa同紋身男繼續玩短訊。 | next 1/1 pre |
 | |
| 原來約咗朋友睇表演，不過遲到嘅DaDa搞到女友人嬲嬲豬。 | next 1/1 pre |
 | |
| 再隔幾日見DaDa同3號「大鼻王力宏」，二人一齊從DaDa香閨步出。 | next 1/1 pre |
 | |
| 兩隻手都抽滿嘢嘅「大鼻王力宏」盡顯強勁嘅手臂。 | next 1/1 pre |
 | |
| DaDa落的士手執銀包，相信係畀完錢，久唔久照顧吓啲「兵」，唔怪得之可以收埋收埋咁多 | next 1/1 pre |
 | |
| 「大鼻王力宏」甚有風度，入大廈前幫DaDa頂住度門，仲含情脈脈咁望到實，真係堅冧。 | next 1/1 pre |
 | |
| 「大鼻王力宏」其實好專一，追隨娘娘一年之餘，連頂帽都戴咗一年。 | next 1/1 pre |
現年26歲「咪神」陳靜（DaDa）去年被《好報》踢爆撻着貌似王力宏的六呎大鼻猛男，但「兵」又豈止一個，最新一期《好報》拍得DaDa上月底開始被發現十日內三度「閱兵」，勇戰三種不同口味猛男，認真犀利！
1號「勞斯男」
上月23日下午，DaDa在數碼港出席活動後，乘出租的七人車返回大角咀寓所。直到晚上7時許，一輛價值逾500萬元的勞斯萊斯房車「兵臨」她的寓所樓下等候，只隱約見車內坐着一名男子。不消幾分鐘，活動中穿得靚靚的DaDa換上一身便服，頭戴Cap帽落樓，直奔勞斯萊斯方向。
拉低帽慌死被發現
臨上車前，DaDa刻意拉低Cap帽兼遊目四顧，慌死被發現，司機見狀即拿拿臨開門，她亦不由分說跳上名車，直奔尖沙咀一個商場。抵達後，DaDa先行落車，刻意與「勞斯男」前後腳，直上商場頂層一間高級食肆開餐，食到打烊仍未見離開。
翻查車輛登記，該輛勞斯萊斯的車主家住馬鞍山一個公共屋邨，堪稱公屋富戶，身之份神秘的「勞斯男」，似乎是借用司機名字登記。DaDa收「兵」名單再添一員猛將，不得不跟她寫個服字。
查實DaDa早前公開講過現時有「發展ing對象」，但拒絕公開對方身份，全因希望讓愛苗健康成長，還自爆已有做媽媽的衝動，又指懷孕的女人最美。如今DaDa對象又豈止一個，不夠一周又有勇「兵」登場。
2號「紋身男」
上月30日下午2時許，DaDa離開寓所準備出街，隨後驚見一名又高又瘦的潮男由其香閨大廈步出，赫然發現該潮男頸後有大撻紋身，還跟DaDa一樣戴上Cap帽襯到絕！「紋身男」一直跟隨娘娘身後，未有刻意走近，DaDa則一早Call定的士，極有霸氣自己開車門先行上車，「紋身男」亦步亦趨跳上的士，跟伊人排排坐離開大角咀。
邊啜邊玩手機冧仔
的士過海到灣仔演藝學院，DaDa先行落車，「紋身男」則乘原車離去。啜住飲品的她落車後如沐初戀，甜笑喪撳電話跟「紋身男」玩短訊，顯得依依不捨。玩完一輪電話都未肯離開，原來DaDa一早約定女友人到演藝學院睇騷，但她卻遲到，連女友人都等到有點不耐煩，見到她時略有微言。
3號「大鼻王力宏」
「收兵」最高境界是「兵」不厭詐，見完「紋身男」的DaDa玩翻兜，再度相約曾多次造訪其香閨的「大鼻王力宏」。本月2日，「大鼻王力宏」現身DaDa寓所，士別一年依舊強悍，未知DaDa是否特別喜歡他頭頂的黑色Cap帽，一年後都未換過。「大鼻王力宏」穿上背心露出一雙麒麟臂，左手拿着Gas爐，右手則抽着打邊爐食材，渾身是勁，DaDa則只拿着蛋糕盒，造型跟男方一白一黑，相映成趣。
講笑話喪氹娘娘
的士已在DaDa樓下等候，兩人默契十足上車到半山的朋友家打邊爐開P。儘管「大鼻王力宏」一抽二抽，但仍不時溫馨提示DaDa行斜路要小心，又講笑話喪氹伊人，逗得她心花怒放，甜笑報以對方喜悅的目光。臨入閘上樓前，男方兩手雖忙，但仍甚有Gentleman風度開閘讓「娘娘」行先，DaDa自然冧爆。
自今年6月自爆有拍拖對象後，DaDa不時在微博晒好心情，除了不時分享姊姊的B女照母愛大發外，又指自己的心態已改變，變得知足常樂，更上載靚相指自己有個「幸福的假期」，養「兵」千日用極唔完，梗係幸福
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|