陳偉霆(William)同蔡卓妍(Sa)凌晨突然發佈分手宣言，所有人都覺得好突然，有人話係因為William內地走紅，因為粉絲俾嘅壓力令佢哋行唔到落去，的確唔知點解，William嘅粉絲，大部份都好唔對阿Sa冇好感，成日喺微博話想佢哋分手。
佢哋發佈分手宣言前10個鐘，William照常工作，噚日下午喺杭州出席一個橄欖油活動，不過面口就好似唔多好，冇咩笑容，就算笑都好似勉勉強強咁，有粉絲就陰謀論話佢哋分手即係宣傳自己新網劇同演唱會，本來「陰謀論」就冇咁容易成立，點知今日阿Sa，都冇因為分手宣言而收埋自己，仲要喺蘇州出席活動，最奇怪係同William噚日出席嘅橄欖油同一間公司嘅活動!
今日阿Sa嘅樣，其實都有笑容，不過就好似有少少強顏歡笑咁，其實佢同William都係為一個叫「為最愛的人做一道菜」嘅活動出力，呢個活動係佢哋師兄謝霆鋒同呢間橄欖油公司合作搞嘅，咁兩師弟妹幫手都唔出奇，只係奇在點解兩個人分手前後，會出席同一個活動，只係唔同地點，宣傳味真係有啲濃.....
阿Sa喺台上就話，希望盡自己努力將愛傳俾更多嘅人，又話希望大家唔單止要識寵愛自己，仲要寵愛家人，仲要用實際行動去表達。
|
鍾意就快D Share啦！
|
|
|
