兩年抱兩的Whitney，去年誕下長子Chalmers後，今年2月宣佈再有喜陀B女，預產期下月初。不過，Whitney昨日中午向本報報喜，原來昨早已誕下7磅重的B女，母女平安，Whitney亦有在instagram留言：「出來了！」與大家分享她再榮升人母的喜悅。
Whitney昨日接受電話訪問，表示老公莊家傑有陪入產房：「老公有入產房同埋幫囡囡剪臍帶，我仲因為太痛，一直鍊住老公，佢頸、背同手都俾我鏈到實晒，我知佢好痛，可能都損晒，但老公都好好，全程都冇縮開，一直忍痛畀我鍊住。」Whitney續說：「我預產期本來係10月，所以一早已經執好咗『走佬袋』，準備隨時去醫院，點知噚晚（即前晚）沖涼時，突然覺得自己好似穿咗羊水，初初都唔肯定嘅，以為自己係失禁，但又好似唔似喎，諗諗吓都係即刻去醫院，醫生檢查後證實真係穿咗（羊水）。」
第一胎都順產生的Whitney，早前在產前檢查時發現今胎有胎盤前置問題，一直都擔心要開刀，幸好一個月之前再檢查，發現胎位已經向上升，所以照原定計劃順產。Whitney表示：「今次好痛呀，比起生第一胎真係痛好多倍，本來醫生想幫我打笑氣止痛，但因為已經開到兩、三度唔可以打，加上我穿咗羊水，所以打催生針生，最後生咗兩個幾鐘就生咗。」Whitney續謂：「囡囡會同哥哥一樣飲母乳，今朝餵母乳佢仲好好胃口，好似好肚餓咁，好好笑。總之見到囡囡健健康康出世，幾痛都覺得好值得。」
婚後的Whitney一直與老公莊家傑表現恩愛，惟今年5月，她忽然在社交網貼文宣佈離婚，還指這是最好的解決方法，幸好夫婦二人為挽救婚姻，之後一齊約見婚姻輔導員，一切雨過天晴，Whitney還表示與老公感情增進不少，更讚老公比以前更加懂得包容、體諒及關懷她。
|
鍾意就快D Share啦！
|
|
|
