當時未成年的她大膽影半裸照，但副身形似發育不良，好骨感。
探熱針
《同班》新女 麥芷誼 16歲做私影妹
由彭浩翔監製，陸以心執導的三級片《同班同學》，先後入圍「第 28屆東京電影節」競賽單元片台灣金馬獎「最佳亞洲電影」，全靠三女主角全裸叫胡。其中麥芷誼（ Koyi），十六歲已經唔錫身做私影妹拍裸照，更試過俾現實中的同班同學報寸，搞到被召見警司兼寫悔過書。
年少輕狂，麥芷誼說：「當買個教訓！」
同學篤背脊
《同班同學》三個女主角，首度孭飛去到盡，身材最有睇頭的郭奕芯（ Ashina），肉搏男神王宗堯，是三女中最大膽一個。但在現實生活中的高妹麥芷誼，未成年已經膽生毛，有人爆料爆相，指她讀中學時做過私影妹拍裸照，好夠薑！
據了解，相中的的麥芷誼年僅十六歲，下身穿著牛仔褲，半裸上身，全程雙手遮胸，瘦削身材的她在半裸情況下露出一排肋骨，骨感多於性感。
對比在電影《同班同學》的全裸演出，當年麥芷誼身材似發育不良。
警誡寫悔過書
有指因半裸照被人放上 Blog後，麥芷誼被同班女同學篤背脊，向訓導主任報寸，因為未夠秤，遭警司警誡。
「學校知道後，搵咗個警司嚟警誡佢，好在 Koyi喺學校記錄良好，讀書成績亦唔差，所以訓導主任訓話一輪後都冇記過，不過就要佢寫悔過書，確保中學時期唔可以再做私影同影性感相，否則唔俾佢升上 A-Level。」知情者爆料。
兼職售貨員
升讀大學後，麥芷誼曾兼職 model搵機會，初次在電影擔正的她，更加盡地一煲。
據知，因為有家擔，麥芷誼拍罷《同班同學》後，繼續一邊做 model，一邊在中環 PMQ做兼職售貨員。記者到 PMQ巡察，發現她正在看鋪，到晚上八點，麥芷誼收鋪放工。
對於中學時曾拍下半裸相一事，她直認不諱說當買個教訓。「我冇為影呢輯相後悔，因為唔係賣色情，只係玩型格，而且當時過咗十六歲唔係犯法，但學校知道咗要見家長，又搵個警司嚟口頭警誡我，事後我同屋企人嘈過交，搞到好唔開心，係買咗個教訓，令我明白，以後做決定前要諗吓其他人感受。唯一慶幸，係學校當時冇作出好嚴重嘅懲罰。」麥芷誼說。
男友舉腳贊成
經一事，長一智，今次拍三級片，事前她亦先和家人商量。
「有講過，不過初時只係同屋企人講會有性感，冇話全裸！之後媽咪睇報紙都知道係三級片，但佢知我係個有主見嘅人，我諗佢會相信我嘅決定。」
至於男友，更加唔介意女友全裸人前，舉腳支持！
「佢（男友）好支持我，因為佢都係彭浩翔 fans。」麥芷誼說。
去廁所唔閂門
在《同班同學》花絮片中，跟三位女主角共住一室的導演陸以心，大爆其中一人屙屎屙尿唔閂門、去完廁所又唔洗手就整嘢食……當時鏡頭影住年紀最細的郭奕芯。而片中另一女主角廖子妤（ Fish），亦爆三人同住時不時有拗撬，例如 Koyi麥芷誼不滿郭奕芯因為自己要用焗爐，掹走雪櫃插頭搞到雪櫃融雪，食物變壞，可以想像， 19歲的郭奕芯是三女中最 free，難怪是片中肉搏至激最大膽一個。
撰文、攝影、攝錄：娛樂組
|
鍾意就快D Share啦！
|
|
|
