坤哥雖然喺大台做棋，但深得網民支持，早前喺勝利道食雞髀，但被侍應粗口侍候，佢仲 po上 fb，唔少巴打都支持佢。
真面目
真升呢 唔使再扮棋 坤哥捧做新 5虎
大台小生花旦排住隊走，大台都諗咗計留人，先搵咗陳凱琳、蔡思貝簽 10年死約，用到你盡。
花旦搞掂，輪到小生，據知大台打算重整五虎，諗住力捧 5位小生上位，其中最大驚喜係在去年台慶，淪落到要扮隻「棋」嘅坤哥吳業坤，今年終於被珍姐睇起在《愛•回家》第二輯做主角之一，單係計每月騷錢都過 2萬，除坤哥外，仲有《愛》劇兩位成員張振朗、何君誠，加埋何廣沛同黃子恆，嚟緊準備勁洗師奶腦。至於捧唔捧到你變舊五虎咁勁？就要睇各人造化。
大台多人走，為咗留人，推出死約 10年計劃，先綁住陳凱琳、蔡思貝，到時兩位將由少女做到中女。輪到小生接班問題，做法一樣，雖然講明綁死，但大台話到明力捧個個就𦧲飯應，最緊要有高層肯睇你，據知大台最近人人講緊「新五虎」，令好多捱生捱死藝員都勁葡萄。
把口氹得人
「新五虎」分別為吳業坤、何君誠、張振朗、何廣沛同黃子恆，全部由戲劇部總監曾勵珍欽點，當中最令人意外係 25歲坤哥， 10年參加《超級巨聲 2》入行，捱足 5年，上年台慶坤哥淪落到同另一演員肥仔何遠東一齊扮棋，被巴打恥笑又替佢不值。
不過事隔一年，坤哥因把口氹得人歡喜，終於被珍姐睇中，加上夠薯仔兼戇直，成個大台都冇呢種類型男藝人，珍姐先畀機會加重佢在《愛．回家》戲份，以佢 1千蚊一騷，一個月穩袋 25,000，加埋首〈原來她不夠愛我〉今年夠 hit，令坤哥有唔少商演，今年台慶肯定唔使再做棋
仲有 4男等上位
除咗坤哥上位，仲有 4位力捧，雖然大家暫時唔係好認得，但肯定熟口面，其中黃子恆 18歲就入大台，由茄哩啡做起，捱足 15年終於做到親生仔，嚟緊新劇《味想天開》做男二，真正係捱出頭。
何君誠 32歲
08年參加香港先生入行，曾經做過內褲模特兒，因為監製潘嘉德力薦畀珍姐，加上身形高又識跳舞，令珍姐賞識，喺《愛•回家》飾演 Billy哥。
黃子恆 33歲
5虎中最老， 18歲開始入大台，今年成為親生仔，戲份漸多，剛拍完的《實習天使》拍住吳若希，而嚟緊拍《味想天開》首做男二。
張振朗 28歲
06年參加英皇新秀大賽入行，上年因在《 Sunday扮嘢王》扮 Cool魔上位，喺《愛•回家》飾演 Anson。
採訪、撰文：娛樂組
|
鍾意就快D Share啦！
|
|
|
