| 恭喜，恭喜！ | next 1/1 pre |
 | |
| Aimee穿上Tube Dress長裙，盡騷三吋「事業線」，與身上過億鑽飾同樣搶鏡。 | next 1/1 pre |
 | |
| Aimee三年抱三，認真犀利！ | next 1/1 pre |
 | |
| 佢直言生三個夠晒數。 | next 1/1 pre |
 | |
| 雖然Aimee腹部已隆起，但仍貪靚穿上五吋高踭鞋。 | next 1/1 pre |
 | |
| 陳豪早前被發現漏夜買驗孕棒。 | next 1/1 pre |
 | |
| 事後佢被《東網》記者追訪時，就尷尬面紅。 | next 1/1 pre |
 | |
| 做晒手勢，封嘴避談。 | next 1/1 pre |
 | |
| 月中Aimee更抱着囝囝喺石板街買萬聖節玩具。 | next 1/1 pre |
 | |
| 陳豪Aimee早已兩年抱兩誕下兩子。 | next 1/1 pre |
藝人陳豪與陳茵媺（Aimee）這對圈中模範夫婦，自2013年結婚後「密密生」，相隔兩年多，已火速誕下大仔梓燁（1歲10個月）及次子浩鋒（8個月）。由於一直盛傳二人想追番個女，故即使誕下次子亦未有停工，昨日，陳茵媺更宣布懷有第三胎，成功打造「三年抱三」神話！證明年屆44歲的陳豪，依然有心有力。
力谷心形胸
昨日谷起心形胸的Aimee出席首飾品牌活動時，終忍不住分享喜悅！穿上Tube Dress長裙的她盡騷三吋「事業線」，與身上過億鑽飾同樣搶鏡。Aimee透露已懷有第三胎三個半月，不過還未知今胎性別，她謂：「仔女冇所謂，最緊要健康，屋企已經有兩個小王子，加埋有4個王子都冇所謂。老公係三兄弟，我哋預感可能都係仔。」
大肚照着高踭鞋
已從馬來西亞完成電影拍攝的她，表示早前與老公到蘇梅島旅行，問到BB是否於當地製造？Aimee笑謂：「唔知，唔確定，返嚟先知有咗。（佗BB攰嗎？）攰，大住肚要照顧兩個小朋友，但自己鍾意落手落腳湊仔。（會唔會再生？）三個真係夠晒數，計劃都係生三個，四個就唔好喇，太攰，將來都想繼續拍戲。（第三胎係咪計劃之內？）係，我哋都想小朋友年紀接近啲。（大仔知道未？）大仔聽到睩大對眼，指住我個肚，好驚喜。」雖然Aimee腹部已隆起，但仍貪靚穿上五吋高踭鞋。
陳豪：件事好natural
陳豪昨日則於電視城為新劇《完美叛侶》開工，對於Aimee揚言生完三個小朋友後要暫時休息，阿豪也贊同謂：「都夠，3個小朋友對屋企啲任務都差唔多，遲啲先再諗，媽咪都要唞吓。（Aimee話唔肯定BB係咪蘇梅島製造！）件事好natural，上天賜畀我哋，確實幾時就真係唔知，又唔係話要3年生3個，只係計劃生3個，有仔有女就好完美，咁淨係仔都冇所謂。」
佗第三胎早露玄機
此外，於Aimee還未宣布懷有第三胎時，《東網》曾於上月頭發現陳豪在深夜時分，一臉鬚根殘樣現身大埔某24小時營業的超級市場，期間於職員介紹下買了一支價值港幣59.9的驗孕棒，大概怕被人發現，陳豪付錢後極速閃人。日前《東網》於電視城追問他買驗孕棒一事，陳豪即顯得尷尬兼面紅，他說：「冇啲咁嘅事！（咁係咪追第三個？）唔講。」及後更雙手扯衫尾，又大做交叉手勢，表現極不自然。
「東網巨星」fb專頁：
每日Keep住推介最「精」最「趣」娛聞，只需數分鐘，即可化身娛樂通，茶餘飯後唔驚冇話題。想加入熱議最hit最爆娛聞行列？呢個專頁真係不Like不可。
http://www.facebook.com/onccstars
|
鍾意就快D Share啦！
|
|
|
