陳茵媺「三年抱三」
佗B喜訊浪接浪，港台娛圈昨日分別傳喜訊！已為陳豪誕下兩位「小王子」的陳茵媺，昨日宣布為陳家懷有第三胎，三年抱三有心又有力，難怪陳豪早前被爆幫老婆買驗孕棒。至於一直望添丁的台灣女星徐熙媛（大S）被指承認懷孕一個多月，將為老公汪小菲再添Baby！
陳茵媺自爆懷孕三個半月，腹部微隆但上圍已火速升Cup，谷出心形胸。
陳茵媺照着五吋高踭鞋上台，旁人睇到一步一驚心！
陳豪擺甫士否認幫老婆秘密買驗孕棒，但睇落似擺「多仔超人」甫士多啲！
已有一對寶貝仔的陳豪與陳茵媺（Aimee）三年抱三！Aimee昨日谷出心形胸出席首飾品牌活動，與身上逾億鑽飾同樣吸睛，期間突然宣布喜訊，透露已懷有第三胎，現時腹中胎兒已有三個半月大！現場所見，Aimee腹部微隆，但仍貪靚穿上五吋高踭鞋，她自言未知BB性別：「仔女冇所謂，最緊要健康。（仲着高踭鞋？）都習慣咗。」剛拍畢電影的她透露早前與老公到蘇梅島旅行，問到BB是否於當地製造？Aimee笑說：「自己都唔知！（再生？）三個真係夠晒數，計劃都係生三個，將來想繼續拍戲。（第三胎係計劃之內？）係！（大仔知道未？）大仔聽到睩大對眼，指住我個肚。」
完成任務「中場休息」
至於「多仔公」陳豪昨日為新劇《完美叛侶》開工，談到Aimee揚言生完三個小朋友後要「中場休息」，他大表贊同：「都夠！三個小朋友對屋企嘅任務都差唔多，遲啲先再諗，媽咪都要抖吓。（Aimee話唔肯定BB係咪蘇梅島製造？）件事好Natural（自然），上天賜畀我哋，確實幾時就真係唔知！我哋又唔係話要三年生三個，只係計劃生三個，有仔有女就好完美，咁淨係仔都冇所謂。」
被嘲「勤力」全行都知
而《完》劇拍檔黃智賢昨日受訪時表示要恭喜陳豪：「佢『勤力』就全行都知，尋晚同佢開工又冇講，但男人會有咩異樣，唔會作嘔作悶！（幾時到你？）會加倍努力，都會請教陳豪。」剛與Aimee拍畢電影的杜汶澤則坦言得知喜訊時嚇到「標尿」：「我叫佢快啲去睇中醫，最多我畀錢！之前拍戲仲叫佢跑咗兩晚，當時馬來西亞空氣又差，好在佢睇醫生話BB好健康。」
此外，Aimee未宣布懷有第三胎時，本報記者曾於上月初發現陳豪於深夜時分現身大埔一間24小時超市，期間在職員介紹下買了一支價值59.9港元的驗孕棒，但他日前開工被追問時即尷尬面紅，並說：「冇啲咁嘅事！」還雙手扯衫尾極不自然，原來怕小器唔肯講！
文：影視組、專案組
陳茵媺自爆懷孕三個半月，腹部微隆但上圍已火速升Cup，谷出心形胸。
陳茵媺照着五吋高踭鞋上台，旁人睇到一步一驚心！
陳豪擺甫士否認幫老婆秘密買驗孕棒，但睇落似擺「多仔超人」甫士多啲！
|
鍾意就快D Share啦！
|
|
|
