| 林雅詩婚姻亮紅燈，她否認有新歡。 | next 1/1 pre |
 | |
| 林雅詩被拍到漏夜入院，左手包裏着紗布。 | next 1/1 pre |
 | |
| 林雅詩曾上載鎅手相，但照片絕非本人。 | next 1/1 pre |
 | |
| 林雅詩透露過想離婚。 | next 1/1 pre |
 | |
| 曾有輕生念頭。 | next 1/1 pre |
 | |
| 充滿負能量。 | next 1/1 pre |
 | |
| 林雅詩成日同老公嗌交。 | next 1/1 pre |
 | |
| 林雅詩出寫真，是希望可以在大陸發展。 | next 1/1 pre |
近日宣布復出並會推出寫真集的前落選港姐林雅詩（Grace），凌晨突然現身醫院，見其左手手腕有繃帶包紮，即時惹來自殘入院的傳聞。其實早前Grace出席活動時，已見其左手手腕受傷，但她未有明言受傷原因外，她曾在微博透露有輕生念頭：「你是想見到我自殺定跳樓？」更上載鎅手相片，加上突然復出她聲稱未有特別知會老公，以及有指已和老公分房瞓多年，隨即被指婚姻亮紅燈，以及更有傳其助手兼表哥Eric為新歡！
傷口爆開再入院
Grace接受《東網》電話訪問時，說入院是因手腕傷口爆開，她說：「之前煮嘢食批薯仔已經整親手，我份人又唔錫身，自己落手落腳做家務又唔睇住傷口，結果搞到流血，結果搞到成4點幾先走，醫生幫我打咗枝止痛針同開咗啲藥畀我。（因為打架？）唔係！唔係你哋所諗咁樣。」
復出壓力大爆喊
言談間，Grace承認復出後感到壓力大，期間更突然爆喊，說最不開心的，是表哥擔任其助手，卻被說成是新歡，她說：「一個女人咁嘅年紀想有番自己事業，但竟然不斷有新聞去抹黑我，我都只係想開開心心出本寫真，用嚟喺大陸發展，其實真係好影響我！（嗰人係邊個？）佢係我表哥，依家做我經理人，幫我接工作，媽咪知我復出唔容易，所以就叫表哥幫我，搵個人可以保護我，媽咪會覺得表哥點可能會傳緋聞，媽咪會放心好多。」
「你是想見到我自殺定跳樓」
至於微博大吐苦水，多次以「好辛苦」來形容自己，並曾表達輕生念頭，留言說：「你是想見到我自殺定跳樓」，更上載鎅手相，Grace澄清該鎅手照片絕非本人：「嗰段時間，我係唔開心，因為丈夫處於事業嘅高峰期，冇咩時間理我，連坐低食飯時間都冇。而我又同佢嗌交，我為屋企付出咁多，但佢唔欣賞我，所以我就用文字去舒發情緒。（鎅手相係你？）張相係我喺網上cap出嚟，嗰陣想用嚟嚇我老公，我嗰陣係有諗過離婚，想佢關心我，但我哋之間冇第三者！（依家關係點？）今年關係已經好好多。（咁你有無鎅手？）冇，我要照顧小朋友，唔會咁樣去傷害自己。」
靠安眠藥入睡
雖然Grace承受不少壓力，她坦言未有患情緒病，但承認有靠安眠藥入睡：「真係好大壓力，之前我會跑步減壓，但依家只係想喺屋企。夜晚都靠食安眠藥幫助瞓教，我知係唔好，但真係無計。」Grace透露除輿論壓力外，其實亦來源家庭，她說：「老公見我呢排咁多新聞，都已經有啲說話，話太勁，因為佢份人好低調。」
另外，Grace的表哥Eric接受電話訪問，坦言近日Grace承受不少壓力，及指兩人關係清白：「正常人冇做嘢咁耐，再做番嘢都會有壓力！（咁你會唔會避忌？）唔會，冇關係，繼續會幫佢接job！」
|
鍾意就快D Share啦！
|
|
|
