《殺破狼II》入圍多個電影節 黃柏高籌備緊第三集
2015-10-18 21:15:00
《殺破狼II》早前宣佈3料入圍國際影展。
鄭保瑞執導、泰國武打影星Tony Jaa、張晉同吳京主演嘅《殺破狼II》不單只叫好叫座，早前宣佈3料入圍國際影展，當中包括西班牙錫切斯國際電影節、多倫多國際電影節及釜山國際電影節，之後再入圍美國洛杉磯恐怖主題電影節、倫敦東亞電影節、台北金馬獎等多個影展，今日部戲喺西班牙錫切斯國際電影節贏得最佳電影獎項（動作懸疑組別）。
今日《殺破狼II》監製黃柏高好開心影片喺海外獲得殊榮，佢接受電話訪問話：「對外國觀眾嚟講，動作片應該係由頭打到尾，但呢部戲因為主打內地市場，加入咗文戲，講吓父女情，反而得出唔錯效果，仲可以喺國際影展攞獎，作為監製，當然好開心第三集已籌備緊，故事都唔會一味打，一樣會加強故事內容，我地希望連女性觀眾都可以吸引到入場。」
|
鍾意就快D Share啦！
|
|
|
