掃呢頁CODE去手機

2015年10月27日 星期二

深感人情冷暖 「我沒有敵人冇怨恨TVB」 TVB,





其他影片:>>






陳志雲的房間非常整潔,收音機前特意放上與同事的大合照,他感激同事一直支持自己。(何柏佳攝)

無綫前電視廣播業務總經理陳志雲,曾管理無綫,現在商台工作,叱咤傳媒界多年,被稱為「志雲大師」,今日上訴庭就其在TVB任職期間「秘撈」收報酬案件,下令原審法官裁定陳志雲及叢培崑罪成,並對兩人進行判刑。他在判決前接受《蘋果》專訪,仍然貫徹其樂觀豁達性格,坦言「我沒有敵人」,對前僱主TVB沒有怨恨,認為今次官司是一段珍貴經歷,「每一段歷程,對你總會有得着」。

記者:陳建平

律政司就案件兩度上訴,被外界質疑是「咬住唔放」,陳志雲受訪時表示,控辯雙方都有權上訴,他對香港的司法制度有信心。陳志雲近年在電台開咪時經常批評政府,被問到是否與官司及商台續牌有關,他斷言否認,「我唔係冇支持政府,但真係好少嘢可以支持……如果大家覺得關續牌事,就唔係好了解我哋電台;如果大家覺得關官司事,可能就唔了解我同埋司法制度」。

被問到有否怨恨TVB,陳志雲說:「完全無關係,完全唔係咁樣嘅一回事,我對TVB完全冇怨恨,雖然我知講出嚟冇咩人信。」既然無怨恨,為何近年經常批評TVB一台獨大?「我冇鬧TVB喎,我只係批評政府唔肯開放大氣電波……至於近期我都唔能夠評論佢嘅娛樂性節目,因為我根本冇睇」。他再三強調無怨恨任何人,「我沒有敵人」。

他續指:「儘管係呢單官司,都係一個學習過程、一段經歷,對我嚟講都係珍貴嘅,將來我可以同人分享,提供到正能量俾人,當別人有困惑,我可以憑此經驗去幫助其他人,你咁樣睇嘅時候,每一段歷程,對你總會有一些得着」。對於一宗糾纏5年的官司,陳志雲自言樂觀面對,「當然係有壓力,但我盡量繼續過正常生活,好彩我有宗教信仰,加上其他朋友、同事的支持信任」。

他說的確感到人情冷暖,但幸好「暖」多過「冷」,例如當年被捕後獲保釋回家,兩名平時很少來往的鄰居突然敲門,原來他們知道樓下有大批記者守候,所以主動提出替陳買食物,甚至願意接載他離開。有次在尖沙咀食飯,一名素未謀面的伯伯突然捉着陳的手稱「唔使驚架,我哋相信你」,這些回憶都令他很感動。至於「冷」的方面,他說以往有一位TVB同事很關心他,平時噓寒問暖,但出事後卻對記者說沒有陳的電話。

陳志雲當年港大畢業後任職政務主任,在政府內發展一帆風順,90年代已出任影視及娛樂事務管理處助理處長,本來生活穩定薪高糧準,如今惹上官非,有否後悔加入傳媒?他笑說:「唯一可能有後悔嘅,就是冇咗筆退休金,哈哈哈,但如果我繼續留喺政府,就涉獵唔到而家咁多範疇,無咗好多美好回憶。」他指自己早與傳媒建立關係,1984年兼職主持港台節目,1987年到代表政府到倫敦工作時也有與BBC合作,「好似一個命運嘅安排,我冇後悔做傳媒」。

鍾意就快D Share啦!