| Twins爆開親騷都有阻滯，仲自封係「台瘟斯基」！ | next 1/1 pre |
 | |
| 講起愛情，SA（中）就話以工作為重，而嬌（左）就自覺聰明咗！ | next 1/1 pre |
 | |
| Twins話約咗Fans六十歲開騷打側手翻。 | next 1/1 pre |
女子組合Twins蔡卓妍（阿Sa）及鍾欣潼（阿嬌）亮相TVB娛樂新聞台節目《StarTalk》接受主播許文軒（Edmond）專訪，大談年底舉行跨年個唱的準備情況及回顧入行近十五周年感受。已五年未一同開騷的Twins表示過去有很多難忘趣事，她們竟笑言自己是「台瘟斯基」，凡開騷總有事發生，說：「第一次開紅館演唱會前嘅最後綵排，竟然用咗三個幾鐘都未完，台下嘅工作人員瞓着晒！另外，上次跨年騷，試過喺倒數時停電，搞到我哋要狂叫！」
嬌用時間克服廣東歌
對於被指唱現場易失準，Twins表示每個組合都有自己特性，說：「各花入各眼，我哋未必迎合所有人口味，自己會繼續努力，希望做得更好。」問到阿嬌是否已克服唱廣東歌？她說：「唱國語歌比廣東歌係更有信心，要時間克服，我本身有人群恐懼症，但開演唱會應該唔怕，因為好黑睇唔到人！」
約粉絲60歲開騷打側手翻
提到入行多年，對於不同的經歷有何體會？阿嬌說：「我冇嘢可以再輸，最差嘅都已經過咗，分開發展後再合體令我活得更開心，我真係比以前開朗咗！而Twins各自學習唔同嘅嘢，返嚟之後話題多咗，大家會更成功，走得更遠！」阿Sa又說：「人生一定會有唔同經歷，如果唔係你嘅人生都幾悶，我覺得我同阿嬌會好長命，我哋約咗Fans六十歲開騷打側手翻。」
Sa愛情低調
而錄影專訪時，阿Sa還未宣布分手，她表示愛情和事業可以共存，只是比重不同，問到現時的比重如何？她說：「工作先，我仲咁年輕。」近年阿Sa對感情事愈來愈低調，她說：「其實我冇高調過，只係有太多人問，我試過喺同一個活動上，A媒體問我近排傳結婚，而B媒體問我呢排傳分手，真係人都癲！有時問到連隔籬嘅阿嬌都頂唔順！其實我只係唔想喺工作上回應太多私人嘢。」至於阿嬌表示拍拖時有多個人支持自己會更好，問到在感情路上是否已「學叻咗」？她說：「係！聰明咗，上一段感情選擇走先，唔走就蠢！（點解？）成個Flow大家都睇得出（會唔會再揀圈中人？）我覺得圈中人可以，因為更了解自己。」
「東網巨星」fb專頁：
以抵死角度，分析各大娛樂新聞，加埋識睇一定要睇嘅網民妙論，包保享盡「Fun」秒，快啲入嚟畀Like啦。
http://www.facebook.com/onccstars
|
鍾意就快D Share啦！
|
|
|
