| 王菀之終於現身，仲大晒隻求婚戒指𠻹！ | next 1/1 pre |
 | |
| 11月28就簽紙結婚。 | next 1/1 pre |
 | |
| 講到結婚，王菀之變得勁怕醜！ | next 1/1 pre |
 | |
| 王菀之同張敬軒出席綵排。 | next 1/1 pre |
 | |
| 王菀之話想搵軒仔做伴娘。 | next 1/1 pre |
 | |
| 王菀之話會低調行事，唔會大搞婚宴。 | next 1/1 pre |
 | |
| 晒死人咩！ | next 1/1 pre |
 | |
| 話婚紗都唔會有，會着自己鍾意嘅衫。 | next 1/1 pre |
歌手王菀之（Ivana）與張敬軒為音樂劇綵排，日前宣布將與「figure王」蘇卓航結婚的她知道傳媒會追問結婚一事，顯得非常怕醜，更拉着軒仔不讓他離開，指軒仔是自己的安全網。
唔舉行婚禮齋開P
受訪時，快將成為蘇太的Ivana左手戴着求婚戒指，問到戒指幾多卡？她害羞地說：「唔知呢。」而Ivana承認11月28日將簽紙結婚，但不會舉行婚禮：「因為我哋兩個性格都有小小低調，嗰日會同家人、親戚食飯，朋友我哋諗過，因為有好多唔同圈子嘅朋友，互相都唔識嘅，可能搞唔同嘅party去慶祝。（要搞幾多個？）十個八個都唔少得！」提到軒仔自薦做伴娘一事，Ivana笑說：「佢要做我會畀佢做，佢可以幫手拎嘢。」
獲朋友贊助
雖然距離結婚只有兩個星期，不過Ivana坦言簽紙的場地還未落實，要視乎當日的人數：「可能因為我哋冇wedding planner，要自己諗，但我同佢都係啲慢慢嚟嘅人。（家人唔急？）唔會，到時通知佢哋就得。」問到宣布婚訊可有贊助商聯絡她？她說：「有朋友message問需要啲咩，例如花同朱古力，都要多謝大家，但啲花可能係由細玩到大嘅朋友整。」
低調出嫁唔着婚紗
至於可會穿婚紗？Ivana透露不會穿得太隆重：「有準備一條裙，但唔似婚紗，想揀有意義嘅衫去着，好似我哋網上post嘅相就係我哋嘅婚紗相。（有咩意義？）唔知點形容，淨係嗰日會着，佢（Eric）仲買咗個特別嘅頭飾畀我襯條裙。（唔着婚紗會遺憾？）因為做唔同嘅工作有着過，咁重要嘅日子都係着自己鍾意嘅衫。」
生B要再計劃
談到生育計劃，Ivana表示曾與Eric商討過：「有時覺得要生，有時覺得唔要，要再計劃吓先。」問到可有叫Eric做老公？她說：「未呀。（28號先嗌？）到時先算。（依家點嗌佢？）唔係疊字，係一種食物，唔講喇。」
父母滿意Eric So
至於蜜月的地方，Ivana透露應該會到歐美，不過昨日巴黎發生恐襲事件，需要視乎情況再作決定，她又謂數月前已向公司請了一個月大假。問到Eric可會到音樂會支持她？她笑說：「冇飛，之前冇預佢，唔知呢，佢好多嘢要準備。」她又表示父母很滿意Eric這位女婿，不過會不捨得自己嫁出去。
|
鍾意就快D Share啦！
|
|
|