金利豐（1031）老闆娘朱李月華（朱太）今日就娶新抱喇，寶貝仔朱俊浩（Kingston）同佢女友羅之琦（Kelly）今日喺灣仔會展擺酒，筵開150席，現場佈置到好似《愛麗斯夢遊仙境》咁，一對新人都應記者要求，咀咗四次。
訪問嘅時候，朱俊浩就話：「少少緊張，但非常開心有人話結婚係一生最高興的一日，咁以後的日子咪唔好過，希望以後日子越來越開心。」佢又話之前喺蘇梅舉行婚禮，做咗斟茶儀式，所以今日都好輕鬆。
朱俊浩又話今日都有講愛的宣言，但因為中文差，所以用英文講：「You are the love of my life, i will love u forever and ever till infinity at the end.」講到造人嘅計劃，羅之琦就話：「媽咪催咗9年喇。」而朱俊浩就話：「唔使急，但係要快。」新娘嘅婚紗係中東牌子，有少少透視，都幾性感，而老公就話冇所謂。
問到今次婚禮搞咗幾多錢，朱俊浩就話：「要問番朱太(朱俊浩媽咪)，因為我冇可能埋到呢張單。」朱太同朱生都好開心，問到新抱幾多分，朱生就搶住答話：「100分，100分係滿分啊！」朱太同朱生都好想抱孫，佢哋仲想阿仔同新抱生5個。講到今晚係朱太同朱生埋單，佢哋就話：「係應該嘅，但依家未計幾多位數字，數字唔重要，最緊要開心。」
| (攝影：陳俊強) |  朱生朱太今日好開心。 |  |
 應記者要求咀4次。 |  |  |
 現場佈置到好似《愛麗斯夢遊仙境》。 |  |  |
|
鍾意就快D Share啦！
|
|
|